Brazılıada ádemi áıeldiń úlgisi «úlken sanyna» qaraı esepteledi. Sol úshin ol jaqta erekshe sulýlyq baıqaýy ár jyly ótip turady. Onyń jeńimpazy álemge «Mıss Bým-Bým» retinde tanymal. Ol qatysýshynyń sany eń ádemi degen maǵynany beredi. Árıne mundaı shoýlar shytyrman sáttersiz ótpeıdi. Qyzdar armandaǵy tıtýldaryna qol jetkizýi úshin barlyǵyna daıyn. Keıde bul keri áserin tıgizip jatady.

27 jastaǵy Andressa Ýrak – shoýdyń turaqty qatysýshylarynyń biri. Alaıda sanyn úlkeıtý úshin jasalǵan kezekti otanyń saldary óte aýyr boldy. Qyzdyń terisine tartylǵan gıdrogel ýly bolyp shyqqan. Qyzara bastaǵan soń, qyzdy jasandy demaldyrý apparatyna qosýǵa týra kelgen.

Dárigerlerde Andressa aıaǵynan aıyrylyp qalýy múmkin degen qaýip bolǵan. Baqytyna oraı, ampýtasıasyz aıaqtaldy. Al biraq úlken sanynan qosh aıtysýǵa týra keldi.

Sátsiz otamen qyzdyń organızmi kúrese aldy. Al ol endigi podıýmnyń modeli bola almaıdy.

Andressa Qudaı ony mansapqumarlyǵy úshin jazalady dep oılaıdy. Ólim aýzynan áreń aman qalǵan ol ómirin tolyq saraptan ótkizdi. Ózine sabaq bolǵanyn aıtady.

Qazir burynǵy model tabıǵı sulýlyqty nasıhattaıdy. Ózin mysal keltire otyryp, jas qyzdardy otadan aýlaq bolýǵa shaqyrady. Andressanyń bul keńesi basqalaryna da oı salyp, jaman ádettiń betin qaıtarady dep senemiz!