* Anasyna qara kúıe jaǵyp, mádenıetsiz sóz aıtqandardy Álı Oqapov "topas" dedi. Eldiń aǵasymyz dep júrgender ony synap, minep, "bala-shala" deýge de bardy. Áıteýir, keshirim surap tyndy.
* Bahtıar Artaev isti bolyp, halyq aldyndaǵy abyroıynan túk qalmady. Biraq halqy Bahtıardyń jaǵynda. Biraq ekinshi jaǵynda da sol qazaqtyń bir qyzy tur eken-aý degen oı joq.
* Qaırat Nurtasty MCKZ mýzykalyq arnasy laqtyryp ketti. Keshirimin áli de suraǵan joq. Keshirimin qoıshy, halyqtyń qaltasyn qaǵyp ketti. Eshkimniń eshkimge aqsha qaıtarǵanyn kórgenim joq.
* Nege ekenin bilmeımin, toıda túrsısheń bılep júrgen qazaqtardyń vıdeosy dál osy ramazan aıynda hıt boldy.
* Móldir Áýelbekova Keshú tobyna qaıtyp keldi. Biraq bizdiń halyq ony «qaıtyp kelgen mal» dep, ishindegi «sherin» aqtaryp qaldy deısiń. Úlgerdi-aý!
* Kúshenip baqqanymyzben «Qara jorǵa» degen bı bizdiki emes bolyp shyqty! 1924 jylǵy vıdeosyn kórgen soń keıbir etnograftarymyz da «Qazaq jigitteri bılemegen, bizde tek «Qara jorǵa» degen kúı ǵana bolǵan» deýge kóshti. Áli kúnge deıin saırap júrgen psevdo-etnograftar ushty-kúıli joq.
* Marjan Sultanbaı turmysqa shyǵa salysymen dinı saıttar ramazan aıynda úılenýge bolmaıdy degen materıaldardy kóbeıtti.
* "Daýys International" tobynyń burynǵy ánshisi óle mas kúıinde el aldynda masqara boldy. Tistegen-tistemegenin sýares bilip pe!
* Taǵy bir boksshymyz Baqyt Sársekbaev bapkerine 5 jyl buryn bergen úıine áli de talasýda. Vıdeoda el-jurttyń kózinshe syıǵa tartqan páterin qaıtyp almaqshy.
* El aǵalary Serik Abas-shah pen Dıdar Amantaı ánshilerge syn aıtý-aıtpaý máselesinde daýlasyp, bir-birin bloktap tastap tyndy. Boqtap tastamaǵanyna shúkir.
Ardaq Qultaıdyń "Facebook" áleýmettik jelidegi paraqshasynan.
