Halyq arasyna keń taraǵan, áıgili «Dýdar-aı» ániniń keıipkerleri Dúısen atty qazaq jigiti men Marıam Jagor degen orys qyzynyń sýreti tabyldy.
Bul týraly feısbýk áleýmettik jeli qoldanýshysy Musaıyp Sydyqov jarıa etti. Ol ǵashyqtardyń sýretin jarıalap, bylaı dep jazǵan eken: «Búgin Qytaı memleketinde turatyn týystarymmen (WeChat - "Muryn urpaqtary" toby) pikir alysyp otyryp, Doqtyrqan degen baýyrymnyń chatqa qoıǵan tómendegi sýrettin kórdim. 100 paıyz anyq dep aıta almaımyn, qazaǵymyzdyń aýzynda ańyz-óleńmen áıgili bolǵan qarıalarymyzdy qoımasqa bolmady.
Arab árpimen "Attary ańyzǵa aınalǵan qos ǵashyqtar Marıam Jagor qyzy, Dúısen (Dýdar)"-dep jazylǵan. Odan ári tómende ıeroglıfpen jazylǵandy oqýǵa, saýatym jetpedi».
Biz joǵarydaǵy azamattyń jarıalaǵan tarıhı fotosyn oqyrman nazaryna usynyp otyrmyz.
