Shymkentte DAISH-pen baılanysta bolǵandar sottaldy dep habarlaıdy astanatv.kz. Olardy Ulttyq qaýipsizdik komıtetiniń mamandary el aýmaǵynda terakt jasamaq boldy dep aıyptaǵan edi. Búgin sot úsh aıyptalýshyǵa jaza kesti. Jabyq esik jaǵdaıynda ótken istiń búge-shúgesi ashylmaı otyr.

Ulttyq qaýipsizdik qyzmetkerleri Qaraǵandy oblysynyń úsh azamatyn maýsym aıynda qamaýǵa alǵan bolatyn. Eki aıǵa sozylǵan sot prosesi aıaqtaldy. Aıyptalýshylardyń ekeýi segiz jáne toǵyz jylǵa sottalsa, olardyń úshinshi sybaılasy 4 jyl 9 aıǵa qamaldy.

Nursulý  Joraeva, OQO qylmystyq ister jónindegi mamandandyrylǵan aýdanaralyq sotynyń  bas mamany: «J» jáne «K» Qazaqstan Respýblıkasynda tıym salynǵan halyqaralyq «DAISH» terorıstik uıymynyń quramyna kiretin top múshelerimen tyǵyz baılanysta bolyp, OQO boıynsha UQK-niń qyzmetkerlerimen ustalǵan. Sonymen birge osy úkim boıynsha azamat terrorızım týraly materıaldardy óz kompúterinde saqtap, ony QR aýmaǵynda nasıhattaǵandyǵy úshin kináli dep tanylǵan. Úkim áli kúshine engen joq. Aıta keteıik, uıymdasqandardyń ekeýi Shymkentte, úshinshisi, ıaǵnı basty fıgýrant, Qaraǵandyda ustalyp, Ońtústikke jetkizilgen bolatyn. 21, 22 jáne 31 jastaǵy jigitter túrli qylmys jasaǵany úshin buryn da  sotty bolǵany anyqtalǵan. Dinge túrmede otyrǵanda bet burǵan. Negizgi tapsyrys berýshimen de temir tordyń arǵy jaǵynda otyryp tanys bolǵandaryn sot kezinde aıtqan.

Aızada Tórebekqyzy, tilshi: Eske salaıyn, sottalǵandar Qazaqstanda tyıym salynǵan ekstremıstik top múshesiniń nusqaýymen shymkenttik belgili kásipkerdi nysanaǵa alǵan. Biraq qaraqshylyq jasaý jolymen dúnıe-múlkin jymqyrý týraly aram pıǵyldary júzege aspaı qalǵan. Sottalǵandar ekeýi jazasyn qatań rejımdegi túzeý kolonıasynda óteıtin bolady.