Ushaq apat bolǵan jerden 3 adamnyń máıiti tabyldy. Ushaqtyń apatqa ushyraý sebebi, derekkózderdiń aıtýynsha, qozǵaltqyshqa bóten zattardyń túsip ketýi dep habarlaıdy tass.ru , «Qamshy» portaly aqparattyń qazaqsha nusqasyn oqyrman nazaryna usynady.

Qara teńizge qulaǵan Tý-154 ushaǵy apat bolǵan jerden súńgýirler ushaqtaǵy qysymdy ózdiginen jazyp otyratyn quraldy taýyp alǵan.

«Zertteý jumystary júrgizilip jatqan kezde ushaq kabınasynan bir qara jáshik tabyldy», - dep málimdeıdi derekkózderi. Ony sýdan shyǵaryp, Máskeý qalasyna alyp ketken.

«Sýdan qysymdy ózdiginen jazyp otyratyn parametrlik qurylǵy shyǵaryldy. Qazir qara jáshiktegi jazbany tyńdaý úshin ony Sochı qalasynan ushaqpen Máskeýge alyp bara jatyr. Qara jáshiktegi jazbany  Máskeý qalasynda Qorǵanys mınıstrliginiń arnaıy mamandary ashyp,  tyńdaıdy».

Sonymen qatar, apat bolǵan jerden úsh adamnyń máıiti tabylǵan.

«Ushaqty zertteý kezinde úsh adamnyń máıiti jáne ushaq qaldyqtary tabyldy», - dep habarlaıdy derekkózderi. Alaıda, bul málimen naqty emes. Birneshe kún buryn 13 adamnyń máıiti tabylǵan bolatyn.

Sonymen qatar, ushaq qozǵaltqyshyna bógde zattardyń túsip ketýi – apattyń týýyna sebep bolǵan negizgi jaǵdaı retinde qarastyrylyp otyr.

«Ushaqtyń apatqa ushyraý sebebin anyqtaýda ekspertter qozǵaltqyshqa bógde zattar túsip ketken degen tujyrym jasap otyr».

Apat saldarynyń basqa da nusqalary aıtylyp, pılottyń qateligi nemese tehnıkalyq aqaýdyń saldarynan bolýy múmkin degen derekter de tekserilip jatyr.

Apattyń týýyna sebepshi retinde tórt jaǵdaı qarastyrylyp otyr: qozǵaltqyshqa bógde zattardyń túsip ketýi; sapasyz janarmaı saldary; ushaq qozǵalqyshy tym qatty jumys istep, birden isten shyǵýy; pılottyń qateligi nemese jóndeýge kelmeıtin tehnıkalyq aqaýdyń týyndaýy. 

Aýdarǵan: Nazerke Labıhan