Shymkentte Ońtústik Qazaqstan oblys ákimdiginiń qoldaýymen  jergilikti taýar óndirýshilerdiń qatysýymen aýyl sharýashylyǵy jármeńkesi ótkizildi.      

Jármeńkege 30-dan  astam aýyl sharýashylyǵy taýar óndirýshileri qatysyp, jalpy quny 96,3 mln.teńgeni  quraıtyn 167 tonna aýyl sharýashylyǵy ónimderi usynyldy. Onyń ishinde 62  tonna et, 57,5 tonna kókónis, 15,5 tonna kartop, 5 tonna sút  ónimderi men 10 myń dana jumyrtqa, 2 tonna balyq ta bar. Ónimder naryqtaǵy baǵadan  15 – 20 paıyzǵa deıin arzan satyldy.

Sharanyń maqsaty – jańa jyl merekesi qarsańynda halyqty tıimdi baǵadaǵy qoljetimdi azyq-túlikpen qamtamasyz etý. Aıta keteıik, oblysta salalyq «Agrobıznes – 2020», «Sybaǵa», «Altyn asyq», Qulan» baǵdarlamalary joǵarǵy deńgeıde iske asyrylýda.

Aǵymdaǵy qańtar – jeltoqsan aılaryna  aýyl sharýashylyǵy jalpy ónim kólemi 415,8 mlrd.teńgeni qurady.  Al, aýyl sharýashylyǵynda negizgi kapıtalyna tartylǵan ınvestısıalardyń kólemi 9,8 mlrd.teńgege jetti.  Negizgi daqyldardyń egis kólemi dándi daqyldar – 260,0 myń gektar,  maıly daqyldar – 80,8 myń gektar,  kókónis – 40,4 myń gektardy,  baqsha – 59,0 myń gektar,  kartop - 15,3 myń gektar,  maqta – 109,6 myń gektar jáne jemis-jıdek pen júzim 30,0 myń gektardy quraǵan.

Bıylǵy jyly ortasha eseppen – 676,0 myń tonna  dándi daqyl jınaldy. 

Sonymen qatar, 963 tonna   kókónis, 1413 tonna  baqsha, 277 myń tonna  kartop, 281,0 myń tonna  maqta, 125,8 myń tonna  jemis-jıdek jáne 64,2 myń tonna júzim jınalǵan. 96 gektarǵa  jylyjaı salynyp, jalpy kólemi 1121 gektarǵa jetip otyr. Búgingi kúni osy jylyjaılar esebinen    160,0 myń tonna kókónis ónimderi jınalǵan.

Búgingi kúni jańadan 15,0 myńnan astam usaq sharýashylyqtardy biriktiretin 174 kooperatıvter quryldy.

Búgingi kúni oblysta qaıta óńdeý salasynda 198 kásiporyn jumys isteıdi.  Olardyń 27-si  iri kásiporyndar sanatyna jatady.

Aýyl sharýashylyǵy ónimderin qaıta óńdeý kólemi 128,7 mlrd.teńgeni qurap, ótken jyldan 15,2 mlrd.teńgege  artyp, naqty kólem ındeksi 104,6 paıyzǵa jetken.

 OQO ákimdiginiń baspasóz qyzmeti