informburo.kz 2016 jylda qazaqstandyqtardyń úmitin aqtaı almaı, daý-damaıǵa ilikken adamdardyń tizimin jasady, málimettiń qazaqsha nusqasyn «Qamshy» portaly oqyrman nazaryna usynady.
Olımpıada daýlary
Bıylǵy jyly barsha jurtshylyqtyń nazaryna iligip, sport janashyrlarynyń kóńilin qaldyrǵan jáıt – elimizdiń olımpıada júldegerleriniń alǵan medaldarynan qaǵylǵandyǵy.
Halyqaralyq olımpıada komıteti Qazaqstandyq sportshylardyń 14 medalyn dopıng qoldandy degen aıyppen tartyp aldy.
Aýyr atletıka boıynsha olımpıada chempıony ataǵyn 2016 jyly Rıo-de-Janeırodaǵy olımpıadada jeńiske jetken Nıdjat Ragımov qana saqtap qaldy.
23 qarashada belgili bolǵandaı, HOQ Beıjiń men London olımpıadasynda jeńiske jetken Ilá Ilındi eki altyn medalynan aıyrǵan. Aýyr atlet sportshysy óz júldelerin qaıtarýǵa kelisken.
Birneshe aı buryn Halyqaralyq olımpıada komıteti Svetlana Podobedova, Maıa Maneza jáne Zýlfıa Chınshanlonyń jeńisterin de joqqa shyǵarǵan, olardyń da sebebi – dopıng.
EKSPO basqa qyrynan
Halyqaralyq EKSPO kórmesiniń ashylýy Astana qalasynda 2017 jyldyń jazyna josparlanyp otyr. Fantasıkalyq týyndynyń ortalyǵy – úlken áınek shar. Alaıda, EKSPO-nyń aınalasynda shyqqan daý-damaılardyń kesirinen halyq mundaı keremet týyndyǵa tamsana almaıdy.
«Astana EKSPO-2017» AQ kórmesiniń basshysy Talǵat Ermegıaev 14 jylǵa bas bostandyǵynan aıyryldy. Sot, sonymen qatar, ony «Qurmet» ordenine laıyqsyz dep tapty. Talǵat Ermegıaevti 10,4 mlrd teńge jymqyryp, onyń 4,2 mlrd teńgesin óz qaltasyna basty dep aıyptaǵan.
Muǵalimniń isi
Qaraǵandydaǵy Iýrı Pak atty fızıka páni muǵalimimen bolǵan jáıt búkil eldi dúrliktirdi. Qazaqstandyqtar qylmysker bolyp sot zalynda otyryp terrorıst dep aıyptalǵan ıntellıgentti, sabyrly erkek jaıly jańalyqtardyń birin de ótkizbeı kórgen. Halyq ony kinásiz dep oılaǵan. Alaıda, sot otyrysynda Iýrıı Paktyń 2015 jyldyń 14 sáýirinde Qaraǵandydaǵy OÁD mekemesine «mına» qoıǵandyǵyn anyqtaldy. Onyń telefonynan qońyraý shalynyp, bir erkektiń bombany jarý nıeti bar ekendigin aıtqan. Qaraǵandylyq muǵalimdi eki jylǵa bas bostandyǵynan aıyrǵan.
Sporttaǵy jáıt
Qazaqstandyqtardyń kóńilin túsirgen jaǵdaıdyń biri – Vasılıı Levıt atty bokserdiń Olımpıada chempıony ata almaı qalǵandyǵy. Reseılik sportshy Evgenıı Tıshenko men Qazaqstandyq Vasılıı Levıtpen bolǵan jekpe-jektiń qorytyndysy 3:0 esebimen Reseı bokseriniń jeńisimen aıaqtalǵan. Alaıda, bul nátıje Qazaqstandyq bokserdiń de, reseılik boks janashyrlarynyń da jaǵasyn ustatty. Eki eldiń janashyrlary da Levıtti sottady dep sheshim shyǵarǵan.
Shahtórlar oqıǵasy
«Arselor Mıttal Temirtaý» basshylyǵy 2016 jyldyń basynda-aq jalaqy máselesin aıtyp shahtórlardyń kóńilin qaldyrǵan bolatyn. Qańtar aıynyń sońynda Temirtaý mettalýrgıalyq kombınatyny shahtórlary «Arselor Mıttal Temirtaý» AQ-nyń bas dırektory Vıdjaı Mahadevadan hat alǵan. Óz sózinde kombınat basshysy jumys qorytyndysy jaıly málimdep, jumysshylarǵa jalaqyny tolyqtaı tóleı almaıtyndyǵyn jetkizgen.
Dóreki sóz
Qapshaǵaıdyń eks-ákimi dóreki sózimen halyqtyń, naqtyraq aıtqanda, halyq kóshbasshysynyń bireýiniń kóńilin qaldyrdy. Turǵyndarmen birge Satjan Kákimovpen kezdesýge kelgen bir jas jigit ákimniń tarapynan ózine aıtylǵan dóreki sózden kóńili qalǵan, ásirese, oǵan «sen» dep sóılegeni unamaı qalypty. Jas jigit ákimmen bolǵan áńgimeni vıdeoǵa túsirip, áleýmettik jelilerge taratyp jibergen. Bul jaǵdaı ákimniń qyzmetine aıtarlyqtaı kesirin tıgizip, 27 qyrkúıek kúni Satjan Kákimov laýazymynan aıyrylǵan.
Tym jyldam jeńis
Eshqashan jeńilmeıtin boks kýmıri Genadıı Golovkınniń ózi keler jylda qazaqstandyqtardyń senimin aqtaı almaýy múmkin ekendigin aıtqan.
Elimizdegi boks jankúıerleri Gennadıı men Domınık Ýeıdtiń jekpe-jegin úsh aı boıy kútip, otyndasymyzdyń jekpe-jekte tym jyldam jeńiske jetkendigi halyqtyń kóńilin túsirdi. Golovkın alǵashky sekýndtarda-aq amerıkandyq boksshyny «óltire» bastaǵan, ekinshi raýndtyń jartysyna jetpeı qarsylasy úshinshi ret nokaýdqa tústi. Domınık Ýeıd ári qaraı jekpe-jekti jalǵastyrǵysy kelmeı, sol jerden qaıtty. Bul áreketimen amerıkandyq sportshy aqsha tólep otyrǵan otandastyrynyńǵan emes, sonymen qatar barsha boks álemindegi adamdardyń kóńilin qaldyrdy.
Sulý qyzdardyń bilim deńgeıi
«Mıss Qazaqstan-2016» baıqaýynyń qatysýshylary ádil qazylar alqasyn ózderiniń bilim deńgeılerin kórsetip, kóńilin qaldyrdy. Mysaly, Almaty qalasynyń qatysýshysy Lúljan Davletova óz otbasynan boıyna sińirýi tıis keıbir qazaqtyń ulttyq dástúrleri jaıly suraqqa mardymdy jaýap bere almady.
«25 mamyr kúni biz otbasymyzben únemi atraksıondar saıabaǵyna baratynbyz nemese bul kúni barlyǵymyz birge bolatynbyz. Ata-anam jumysbasty adamdar bolǵanyna qaramastan barlyq bos ýaqyttaryn maǵan arnaıtyn. Bolashaqta mundaı mahabbatty men de óz balalaryma bergim keledi», - dep jaýap berdi.
Júrgizýshi Dınara Satjan qyzdy durys baǵytqa burǵysy kelip edi, alaıda onyń qolynan kelmedi.
Keler jyldan kóp jańalyq kútemiz, alaıda kóńilge tıerlik is-áreketter az bolady dep senemiz.
Aýdarǵan: Nazerke Labıhan
