Jınalysta birneshe sekýndqa kózin jumǵan adamdy jaýapqa tartýǵa bolmaıdy. Qala ákimi İlıas Espanov pen Aqtóbedegi basqa da memlekettik qyzmetkerlerdiń uıyqtap qalýyna qatysty Memlekettik qyzmet isi boıynsha departament basshysy Qaıyrjan Toqyshev pikir bildirdi dep habarlaıdy "Dıapazon". 

«Adamnyń uıyqtap qalǵanyn dáleldeý qıyn. Ol úshin birneshe kýáger kerek. Eger beınejazba bolsa, bizge jibersin. Zerttep kóreıik» deıdi Qaıyrjan Toqyshev.

Resmı is-sharalarda uıyqtap qalǵan sheneýnikterge jaza nemese sanksıa qarastyrylmaǵan. «Ádep kodeksin jasaǵanda uıqy týraly pýnkt engizilmegen. Nege ekenin bilmeımin. Bálkim eshkim uıyqtamaıdy degen bolar. Qalaı bolǵanda da ol memlekettik qyzmetkerdiń bedelin túsiredi. Ol nelikten jınalysta otyr? Tapsyrma alý úshin emes pe? Iaǵnı ol memlekettik jáne eńbek tártibin saqtaýy tıis. Ol tasqa tańba basqandaı jazylǵan. Sondyqtan biz ony talap etemiz. Biraq adam birneshe sekýndqa kózin jumǵanyna qatty mán berýdiń qajet joq. Al adam kóp jumys bolǵanda sharshaýy ábden múmkin» deı otyra Aqtóbe qalasynyń jýrnalıserin basshylar men qatardaǵy memlekettik qyzmetkerlerdi tárbıeleýdegi ómirlik belsendi ustanymy úshin alǵysyn bildirdi.

2017-2021 jyldardaǵy memlekettik baǵdarlamalardyń tujyrymdamalaryn túsindirý jınalysynda uıqymen arpalysqan Aqtóbe ákimi İlıas Espanovty vıdeoǵa túsirip alǵan. Jıynǵa Aqtóbe, Atyraý, Mańǵystaý jáne Batys Qazaqstan oblysynyń ákimderi qatysty.