BUU bas hatshylyǵy qyzmetinde 10 jyl eńbek etken Pan Gı Mýn Nú-Iorktegi shtab páterde qyzmetkerlermen qoshtasyp, BUU-den ketti. Bul týraly BBC jazdy.

Pan, keter aldyndaǵy málimdemesinde BUU bas hatshysy bolyp qyzmet istegenin maqtanysh etetinin málimdedi. Bas hatshy Pan ózimen qoshtasýǵa jınalǵan qyzmetkerlermen kóriskennen keıin BUU-dan ketti. Ol sondaı-aq, Taıms-skverinde jańa jyldyq quttyqtaýlarǵa qatysady.

Ol qalyptasqan dástúr boıynsha, Nú-Iorkte jańa jyldy merekeleýdiń sımvolyna aınalǵan  krıstal shardy qulatatyn túımeni basady. Aıta keter bolsaq, Krıstal shardy qulatý saltanaty bıyl 100-inshi ret jasalady.

BUU-nyń 9-ynshy bas hatshysy bolyp saılanǵan Portýgalıalyq Antonıo Gýteres erteń, 1 qańtardan bastap resmı túrde qyzmetine kirisedi.

Aıta keter bolsaq, Pan Gı Mýn 2007 jyldyń 1 qańtarynan bastap BUU bas hatshylyǵy qyzmetin atqardy. Ol, 1970 jyly Seýl ýnıversıtetiniń halyqaralyq qatynastar bólimin tamamdaǵan. 2004-2006 jyldar ońtústik Koreıanyń Syrtqy ister mınıstri qyzmetin atqardy.