Brıtanıada tis dárigerleri jumys ornyna ákelingen tort, pirándik, keks nemese bıskvıt sıaqty qantty jáne maı quramy joǵary azyqtardy jeýdiń densaýlyqqa qaýpi joǵary ekenin eskertti. Bul týraly BBC jazdy.

Anglıanyń Koróldik hırýrgter koleji Tis dárigerligi fakúlteti, jumys ornynda «tátti jeý mádenıetiniń» semizdikke aparyp soǵatynyn jáne aýyz qýysyna aýyr zaqym keltiretinin aıtty.

Fakúltet dekany, profesor Naıdjel Hant basqarýshylardyń jumysshylaryn táttimen yntalandyrmasy men jumysshylardyń túrli quttyqtaýynda táttiniń kóp tutynylýy qaýipti ekenin baıandady. Sondaı-aq qyzmetkerlerdi «qantty ónimdermen soǵysýǵa» shaqyrdy.

Doktorlar «qant pen shekersiz jasaı almaıtyndar» úshin tómendegideı usynystaryn da aıtty.

Qant quramy az ónimderge qaraı oıysyńyz;

Kúndelikti jeý úlesterińizdi azaıtyńyz;

Jónsiz, as mezgilisiz aýyzǵa tyǵa berýdi azaıtyńyz, túski asta toıyp tamaqtanyńyz;

Qantty ónimderdi azaıtýǵa jospar quryńyz;