«Men uly Brıtanıaǵa oqýǵa ketip bara jatqanymda anam maǵan: «kimmen dos bolsań da, eń bastysy úndister men negrlerden aýlaq júr. Alaıda qazaq jigitine turmysqa shyǵatyn bol» dep qatań eskertken edi. Ol kezde anamnyń bul sózderine asa mán bermegen edim, keıinnen baryp túsindim. Týystarym úshin qara násildi kúıeýbaladan uryp-soǵatyn kúıeý jaqsy.»
Áńgáme ratel.kz portalynda jarıalanǵan qara násildi erkekke turmysqa shyqqan qyz jaıynda. Málimettiń qazaqsha nusqasyn "Qamshy" portaly oqyrman nazaryna usynady.
Shymkenttiń názik qyz – Janar úlkenderdi qurmet tutyp, qazaqy mentalıtetti ustanatyn qatań otbasyda tárbıelengen. 28 jasynda Ońtústiktiń salty boıynsha qazaq jigitine turmysqa shyǵady. Alaıda, qurǵan shańyraǵy berekesiz bolǵan. Kúıeýi jumysynan aıyrylyp qalǵannan soń bar ashýyn áıelinen alatyn bolǵan. Ony balaǵattap, namysyna tıip, keıinnen uryp-soǵatyndy da shyǵarypty. Týystary, ata-anasy qyzǵa sabyr qylýyn ótinip, «biraz ýaqyt shydamdy bol, qazir daǵdarys ýaqyty, jumys taýyp alǵannan soń barlyǵy da ońalyp ketedi» dep, basý aıtqan. Alaıda, eri qyzǵa qol kóterýin toqtatpaǵannan soń, Janar ózine tıesili múlkin alyp, ajyrasýǵa bel býǵan.
Azapty kúnderin umytqysy kelip, Amerıkaǵa oqýǵa ketedi. Vashıngtonda júrip, stýdenttik keshterdiń birinde Janar Devıd atty amerıkandyq jigitpen tanysady. Ekeýi de birin-biri unatyp, jaqyn aralasa bastaıdy.
«Devıd ekeýmizdiń birge túsken sýretimiz baıqaýsyzda ınternetke salynyp ketti. Týystarym ony kórip, meni dereý elge qaıtýymdy suraıdy. Alaıda men Devıdtiń kómegimen kúıeýimdi, onyń maǵan jasaǵan is-áreketterin umytqym kelgen», - deıdi Janar. Osy jaǵdaıdan keıin barynsha saq bolyp, sýretteriniń ınternetke júktelmeýin qadaǵalaıdy. Jarty jyl ótkennen soń Devıd úılenýge usynys jasap, ekeýi shańyraq kóteredi.
Úılengenderi jaıly eshkimge tisjaryp aıtpaı, oqýyn aıaqtaǵannan soń ózin jaqsy bir jumysqa shaqyryp jatyr dep ótirik aıtyp Amerıkada qalyp qalǵan. Eki jyl ótkennen soń tuńǵyshyn bosanady. Alaıda, Shymkenttegi týystary men ata-anasynan óz ómirin jasyryn ustaıdy. «Eger ákem bilip qoısa, meni óz ómirinen óshirip tasataıdy dep qorqamyn. Keıde barlyq shyndyqty aıtyp bergenim de durys shyǵar dep oılaımyn da, biraq olar úshin qara násildi kúıeýbalaǵa qaraǵanda uryp-soǵatyn qazaq kúıeý jaqsy ǵoı dep toqtaımyn», - dep, ózin eki ottyń arasynda qalǵandaı sezinedi.
Degenmen, áıel - otbasynyń uıytqysy. Kúıýeiniń qol kóterýi de, kótermeýi de áıeldiń ózine baılanysty. "Qyzy buzylǵan halyqtyń ózi de buzylady" deıdi. Sol sebepti qazaqylyǵymyzdy saqtap, qanymyzdyń tazalyǵyn buzbaý kerek. Bul - tektiligimizge syn. Al, qazaq qyzdarynyń ózge ultqa turmysqa shyqqandary - jigiterimizge syn.
Nazerke Labıhan
