Qytaı akvaparkteriniń birinde sumdyq oqıǵa oryn aldy dep habarlaıdy life.ru. saıtynyń jýrnalısi Sergeı Astashev. Kishkentaı bala anasymen birge demalýǵa baseınge barǵan. Anasynyń janynda bolǵan bala júze almaı sýǵa batyp ketedi. Uıalysynan sms habarlama jazyp jatqan áıel balasynyń kómek surap sharq uryp jatqanyn baıqamaı qalady. Habarlama jazyp bolǵannan soń ol uıalydan kóz almastan balasyn basqa jaqtan izdeı bastaıdy.  4 jasar balanyń ólimmen arpalysy, anasynyń beıqamsyzdyǵy vıdeobaqylaý kamerasyna jazylyp qalǵan. Bir ókinishtisi, kishkentaı balanyń ústinde sýǵa batýdan qorǵaıtyn jılet te bolmaǵan. Balalardyń qaýipsizdigin qadaǵalaıtyn akvapark qutqarýshysy da sol kezde óz ornynan tabylmaǵan. 

Atalmysh vıdeo adamnyń júregin aýyrtyp qana qoımaı ókinishtiń ózegin órteıdi. Uıalyǵa jipsiz baılanǵan myna zamanda kóptegen qaıǵy-qasiret te osy tehnıkadan bolyp jatyr. Smartfon qanshama balanyń ólimine sebepshi boldy. Uıaly telefon jarylyp jatyr. Uıaly telefonǵa telmirgen ata-ana bala tárbıesine kóńil   bólmeı ketti.