QR eks-premer-mınıstri Serik Ahmettiń jazasyn jeńildetip, merzimin qysqartý jónindegi ótinish sotqa kelip tústi dep habarlaıdy «Qamshy»  QazAqparatqa silteme jasap.

«Qazaqstan Respýblıkasynyń táýelsizdigine 25 jyl tolýyna qatysty sottalǵandarǵa raqymshylyq etý» zańyna sáıkes túrmege toǵytylǵan Serik Ahmetovke berilgen merzimdi qysqartý jaıly sotqa ótinish kelip tústi. Ótinishti sottalyp otyrǵan Ahmetovtyń ózi bastap bergen, ol búgin kelip túsken. İsti sotqa ótkizip, qashan qaralatyndyǵy endi belgili bolady», - dep málimdedi Abaı aýdandyq sotyndaǵy BAQ-tyń korespondent múshesi Ardaq Jumashev.

Esterińizge sala ketsek, Serik Ahmetovtyń isine qatysty korrýpsıa jasady dep aıyptalǵan qylmystyq toptyń isi  Qaraǵandy oblysynyń qylmystyq ister boıynsha aýdanaralyq sotyna mindettelgen bolatyn. Jaýapqa tartylǵandardyń sany – 21 boldy. 2015 jyldyń 11 jeltoqsanynda olarǵa qatysty úkim shyǵyp, habarlanǵan. Ahmetovke 10 jyl bas bostandyǵynan aıyrý, múlkin tárkileý jáne 5 jyl kóleminde memlekettik organ qyzmetine taǵaıyndalmaý jóninde úkim shyǵarǵan.

Qaraǵandy oblystyq sotynyń appelásıalyq bólimi 2016 jyldyń 14 naýryzynda jaýapqa tartylǵandardyń jazasyn jeńildetip, Ahmetovke berilgen merzimdi 8 jylǵa deıin qysqartqan.