Jynysyn aýystyrǵan brıtandyq Haıden Kros óziniń júkti ekeni týraly habarlady, dep habarlaıdy inform.kz sheteldik BAQ-qa silteme jasap.
Gloster qalasynyń 20 jastaǵy turǵyny Haıden Kros Jynysyn áıelden erkekke aýystyrǵannan keıin de bala kóterýge múmkindik alǵan. Júktilik merzimi - tórt aı. Ol uryq donoryn Feısbýk jelisi arqyly tapqan. Sol sebepti, bolashaq náresteniń ákesi de, anasy da jalǵyz ózi bolyp qalmaq.Haıden Kros jynysyn aýystyrý týraly sheshimdi 17 jasynda qabyldaǵan. Osy maqsatqa jetý úshin ol dárigerlerdiń kómegimen túrli garmondyq preparattar qabyldaýǵa jáne óziniń jeke basyn kýálandyrýdy zańdastyrý úshin tólqujat jasaýǵa 3 jyl boıǵy ómirin sarp etken. Alaıda, Kros jynysyn aýystyrýdy keıinge qaldyrǵan. Sebebi – onyń bala súıip, ana atanǵysy kelgen.
“Júktilik – bul áıelge ǵana tán qasıet. Sondyqtan, men tolyq erkekke aınalardan buryn bala týyp alýdy jón sanadym, jynys aýystyrý prosesin sosyn aıaqtaǵym keledi”, – deıdi ol.
Sondaı-aq, ol balasynan óziniń transgender ekenin jasyrmaıtynyn aıtady.
Alaıda, Haıden Kros álemdegi eń alǵashqy ekiqabat erkek atana almaıdy. Sebebi onyń aldyn amerıkandyq Tomas Bıtı orap ketken bolatyn.
Tomas Bıtı (týǵan kezdegi aty-jóni – Treısı Lagondıno) 1974 jyly 20 qańtarda AQSH-tyń Gonolýlý qalasynda dúnıege kelgen. 2002 jyly jynysyn aýystyrǵan transseksýal 2007 jyly jasandy uryqtandyrý jolymen tarıhta eń alǵashqy «ekiqabat erkek» atanǵan bolatyn. Onyń mundaı qadamǵa barýyna áıeliniń bedeýligi sebepshi bolǵan. Sondyqtan, ol 23 jasynan bastap garmonaldyq terepıamen aınalysyp, óz boıynda áıelge tán ishki reprodýktıvti dene múshelerin saqtap qalǵan. Donorlyq uryqtandyrý jolymen Tomas Bıtı ómirge úsh náreste (2008, 2009 jáne 2010 jyldary) alyp kelgen. 2012 jyly ǵana ol tolyǵymen jynysyn aýystyryp, qazir zańdy turǵydan tolyqqandy erkek bolyp tabylady. Alaıda, sol 2012 jyly ol áıelimen ajyrasýǵa aryz bergen.
