Ótken jyldyń 10 maýsymynda elimizge belgili prodúser Baıan Esentaeva men jary Baqytbek Esentaevtyń arasynda bolǵan jaǵdaı jurtshylyqtyń nazaryna iligip, biraz adam jaǵa ustap qalǵan edi. Sodan beri Baıan qyzdyń qulaǵy tynyshtalar emes. Qoǵam Baıannyń jaqtaýshylary men dattaýshylary bolyp ekige jaryldy. Qazaqtan asyp ne deımiz?  Ol – jel turmasa shóptiń basy qımyldamaıtyny.

2016 jyldyń shilde aıynda prodúserdiń qyzy Aısáýle Baqytbekqyzy Almaty qalasyndaǵy qoǵamdyq oryndardyń birinde anasynyń jańa kovaleri bıznesmen Týrsengalı Alagýzov ekendigin aıtqan. Ekeýi 2016 jyldyń kókteminde tanysyp, tanystyqtary dostyqqa ulasa túsken.

Baıandy bes saýsaǵyndaı tanımyn dep oılaıtyn qazaq Týrsen Alagýzov jaıly bile bilmeıtin shyǵar. Endeshe tanystyraıyq. Týrsen degenimiz kádimgi Tursynǵalı. Qazaqstandyq kompozıtor, dırıjer Turym Alakózovtyń balasy.

(Fotoda: Turym Alakózov pen Baıan Esentaeva)

Búgingi tańda «Galanz Bottlers» AQ kompanıasy dırektorlar keńesiniń tóraǵasy, qysqasy, qaltasy qalyń azamat. Qazaqtildi BAQ-qa ol mekteptegi bilim berý júıesin úshtildi qylý máselesin qoldap hat jazǵan qazaqstandyq bıznesmenderdiń biri retinde jaqsy tanys. Sonymen qatar bedeldi kásipkerdiń myna jazbalaryna qaraıtyn bolsaq, sulý áıelderge degen yqylasy bólek jan.

Ádemilikke yntyq bolsa da basy bos emes, eki balasy bar mıllıoner tildiń «janashyry» ǵana emes, qaıyrymdylyqpen aınalysatyn meıirimdi mesenat.

Baıan hanym basynan ótken aýyr jaǵdaıdan keıin ómirge basqasha qaraı bastaǵandaı áser qaldyrdy. Kóz jasyna erik berip suhbat berdi, turmystaǵy zorlyq-zombylyq, oınap júrip ot basqan boıjetken qyzdar máselesin kóterdi. Qyrkúıektiń ortasynda jańadan boı kótergen «Klara «Analar úıine» bas suǵyp, jas analardyń jaǵdaıyn surastyrdy. Instagram paraqshasynda emosıaǵa toly mynandaı jazba qaldyrǵan bolatyn:

«Álem meıirimdi jandarsyz emes. Búgin alǵash ret «Analar úıine» bardym. Úlken, ári yńǵaıly. Onda 20 ana ózderiniń balalarymen birge turyp jatyr. Jas analardyń ázirshe barar jer, basar taýlary joq. Olardy kútip jatqan ata-analary joq, olardy týysqandary, ómir súrip jatqan qoǵamy túsinbeıdi. Biraq, olar ózderiniń perzentterin sheksiz jaqsy kóredi, «Analar úıi» balalaryn jetimder úıine ótkizbes buryn, olardyń myń ret oılanýyna múmkindik beredi. Olar óte tatý turady jáne ana bolý úshin onda barlyq jaǵdaı jasalǵan. Qazaqstanda dál osyndaı 28 úı bar, ondaı uıymdardy meıirimdi mesenattar ashqan. Osyndaı úılerdiń arqasynda elimizde jetimder sany az. Eger sizdiń olarǵa kómektesýge degen nıetińiz bolsa, myna nómirge habarlasýyńyzǵa bolady: 8 701 752 72 45».
Maqsattyń qyzy Baıannyń mundaı áreketine rıza bolǵan jurt ony odan saıyn maqtaı, kótermeleı, qoldaı tústi. Sóıtip júrip bir sáıkestik nazarǵa ilikpeı qaldy. Ol – «Analar úıi» QQ-na sponsorlyq jasaıtyn 18  partnerdiń biri, Baıan barǵan «Klara «Analar úıin» óz aqshasyna saldyrtqan mıllıoner Alakózov ekendigi. Atalmysh jobanyń ıdeıa avtory Aıdyn Rahymbaev BAQ-qa suhbat bergende «Analar úıine» qarjylyq bolsyn, jalpy jan-jaqty qoldaý kórsetken Tursyn dosyn erekshe atap júrgeni dálel.

Al, endigi sáıkestikterge ınstagram kýá. Jarıalaǵan sýretterge nazar aýdaryp qarasaq, Baıan men Tursyn birdeı ýaqytta bir jerde júr.

Tursyn Vetnamǵa ketti deıdi ákesi.

Baıan da Vetnamǵa sapar shekti.

Baıan Italıada.

Tursyn Italıada.

"Four seasons" oteli.

"Four seasons" oteli.

Parıj.

Parıj.

Venesıa.

Venesıa.

Jánel Dýmanqyzy