Mańǵystaý oblysynda Qalamqas kenishindegi Oil Sonstruction Sompany (OCC) kásipornynyń munaıshysy Meırambek Qýantaev búgin tańerteńgi saǵat 6-dan beri óndiris basyndaǵy kran ústinde otyr. Bul týraly Azattyqqa sol jerdegi basqa munaıshylar habarlady.

Ózin Asentaı dep tanystyrǵan OSS munaıshysynyń aıtýynsha, kran basynda otyrǵan Meırambek Qýantaev Qazaqstan táýelsiz káipodaqtar konfederasıasyn tirketýdi jáne onyń tóraıymy Larısa Harkovaǵa qylmystyq qýdalaýdy toqtatýdy talap etip otyr.

Asentaı Meırambek Qýantaevtyń apta boıǵy ashtyqtan ábden álsirep, psıhologıalyq sharshaǵanyn da aıtty.

- Ol eshkimmen sóılesýden bas tartady jáne BAQ ókilderiniń ortaǵa kelip, jaǵdaıdy jarıalaýyn talap etip otyr, - deıdi ol.

Azattyq Qalamqas kenishi - "Mańǵystaýmunaıgaz" kompanıasyna tıesili (kompanıa aktıvteriniń 50 paıyzy CNPC, 50 paıyzy "Qazmunaıgaz" úlesinde) bolǵandyqtan óndiristik aımaqtaǵy jaǵdaıdy kórý týraly kompnaıaǵa ótinish hat túsirgen bolatyn. Alaıda kompanıanyń keńse qyzmetkeri Shattygúl Imanova jýrnalısik saýaldyń "Mańǵystaýmunaıgaz" jarǵysyna saı emestigin sebep qylyp, qabyldaýdan da, ony kompanıa bas dırektory Baqyt Imanbaevqa jetkizýden de bas tartty.

OSS kompanıasy - "Mańǵystaýmunaıgaz" kompanıasynyń merdigeri. Ol kompanıa ıeligindegi Qalamqas, Jetibaı kenishterine jóndeý, qurylys jumystaryn júrgizýmen aınalysady. OSS kompanásynyń 400-ge tarta jumysshysy qańtardyń 5-sinen beri táýelsiz kásipodaqty tirketýdi surap, ashtyq jarıalap otyr. Olar sýdan basqa nár tatpaıtyn ashtyqty jumystaryn jasaı júrip jalǵastyryp jatyr.