Ǵalamtor qoldanýshylary «úsh aıaqty»  jumbaqty sheshe almaı álek. Foto Imgur forýmynda paıda bolǵan dep habarlaıdy indy100.com. Saıttyń 10 myńdaǵan qoldanýshysy birneshe kún boıy optıkalyq aldamshy kórinistiń qupıasyn asha almaı keledi. Kóbi máseleniń nede ekenin túsinbedi.  

Fotodan «úsh aıaqty» qyzdy kórýge bolady. Ony ózin AmassiveTRexHoldingaBaby dep ataǵan ǵalamtor qoldanýshy saıtqa júktegen. Astyna «Sheshimin tabý úshin, bir mınýt boıy sýretti zerttedim» dep jazǵan.

Saıt paıdalanýshylarynyń kóbi zerek bolmaı shyqty. Keıbiri qyzdyń kolgotkıimen tústes jastyqta otyr degen boljam jasasa, endi biri aıaq kıiminiń túsin talqylady, mysyqty izdedi, aıaǵyn zerttedi.  Alaıda fotonyń qupıasy múlde basqada.

Eger fotoǵa muqıat qarasańyz qyzdyń oń aıaǵynyń tusynda qyz qolyna tizesimen jáne kóılegimen tústes vazany ustap turǵanyn baıqaýǵa bolady.

Ǵalamtorda sońǵy kezderi foto jumbaqtar jıi shyǵatyn boldy.