Jazdaǵy terrorlyq akten keıin júrgizilgen tekserister nátıjesinde shabýyl jasaǵan terrorısterdiń bir de bireýi turaqty, ne ýaqytsha tirkelýde turmaǵandyǵy belgili bolǵan. Aqtóbe oblysynyń kóshi-qon polısıa basqarmasynyń bastyǵy osylaı dep málimet berdi. Sonymen birge tártip saqshylaryn qala mańyndaǵy saıajaılar da alańdatady. Óıtkeni sońǵy sanaq kezinde osy saıajaı turǵyndarynyń otyz myńnan astamy múldem esepte joq bolyp shyqqan dep habarlaıdy 31.kz.
Qazaqstandyqtardyń pikirin ekige jarǵan ýaqytsha tirkeý týraly zań boıynsha Aqtóbeniń tártip saqshylary alǵashqy tekserýdi bastady. Nazar - ádette turaqty tirkeýde bola bermeıtin saıajaı turǵyndarynda. Alaıda baý-baqsha kooperatıvindegilerdi daý týdyrǵan tirkeý máselesinen góri, turmystyń taýqymeti kóbirek alańdatatyn syńaıly. Qalanyń shetinde tursa da otyn, sý, jaryq, joldan ada bolyp otyrǵan turǵyndardyń aıtar nazdary kóp. Máselen myna turǵyn tirkeýdi tekserip kelgen polıseılerge otynnyń joǵyn aıtyp, jylady.
SAMAL BIJANOVA, Turǵyn:
- Kómek kerek voobshe. Otyn joq, mine. Balalarym tańerteń turǵanda sap - salqyn bolyp turady. Jylaǵanyn kóbirek ber, Janar
Polıseılerdiń sanaqty baý-baqsha ýchaskelerinen bastaýy ondaǵy kóp turǵynnyń tirkeýde bolmaı shyqqany sebep-ti. Degenmen búginde sol anyqtalǵan tirkeýde joq 33 000 turǵynnyń 4000-yn áli taba almaı otyrmyz deıdi. Al naýqan bastalǵaly beri oblys boıynsha 750 turǵyn ýaqytsha tirkeýge turǵan. Onyń 685-i qalanyń enshisinde eken.
NURBOLAT HAIRÝLLIN, Aqtóbe oblysy İshki İster departamenti kóshi-qon polısıa basqarmasy bastyǵynyń orynbasary:
- Sebebi, tekseris barysynda azamattardyń aty-jónderin tolyq aıtpaýy, týǵan jyldaryn durys kórsetpeý, sol sebepti ortalyq derek qordan tekserýge múmkinshilik bolmaı otyr.
Sonymen qatar polıseıler turǵyndar saıajaıdaǵy úılerdi turaqty baspanaǵa aınaldyrǵandary úshin olarǵa qujattardy rásimdeýge asyqpaıtynyn da aıtady. Sonyń saldarynan tirkeýge tura almaıdy. Al qazir shetten kóship keletinder de osy saıajaıdaǵy retsiz salynǵan úıler men tirkeýsiz turǵyndardyń sanyn kóbeıtip otyr deıdi. Máselen Aqtóbe qalasynyń ózinde 400-den asa saıajaı massıvi bolsa, Almaty qalasynyń bir ǵana Kazsık aýlynda 30-ǵa jýyq, al Semeıdiń «Vostochnyıynda» 15 saıajaı massıvi bar. Iaǵnı, bul - jalpy respýblıkalyq másele.
