"QazAgroQarjy" AQ ortalyq apparatynyń keńsesinde top-menedjerler tóbelesken, olardyń osy áreketi beınebaqylaý kameralaryna túsip qalǵan, - dep habarlaıdy Tengrinews.kz tilshisi.

Vıdeony bergen derekkózdiń málimetinshe, jandaldasqan ekeýdiń biri Basqarma basshysynyń orynbasary Qanat Tursynqulov ta, ekinshisi departament dırektory Erbol Táshenov. Vıdeonyń kadrlarynan ekeýiniń eregeskeni jáne sondaǵy turǵan adamdardyń olardy ajyratyp jatqanyn baıqaýǵa bolady. "Janjal jańajyldyq otyrystyń aldynda bolǵan, - dedi kýágerler. 

Kýágerlerdiń aıtýynsha, kompanıanyń top-menedjerleri "QazAgroQarjy" AQ ortalyq apparatynyń keńsesinde (besinshi qabatta, top-menedjment bólmesinde) spırttik ishimdikter iship otyrǵan. Bul Táýelsizdik Kúni qarsańynda bolǵan. Merekelik toılaý jáne spırttik ishimdikter ishken qaıta ońaltý departamentiniń dırektory Erbol Táshenov basqarma basshysynyń orynbasary Qanat Tursynqulovty urǵan. Osy kezde tóbeles bastalǵan. Tóbeles barlyq qyzmetkerlerdiń kózinshe bolǵan jáne qyzmetkerler janjaldasqan ekeýin ajyratqan. 
"QazAgroQarjy" AQ ókilderi osy jaǵdaıdy kishigirim kelispeýshilik dep baǵalap, muny bir úlken daý nemese janjal deýge bolmaıtynyn aıtty. 

"Bul jáı kishigirim kelispeýshilik qana, qyzmettik babyna esh qatysy joq. Sonymen qatar, bul oqıǵa jumys ýaqyty aıaqtalǵannan keıin (21.00-de) bolǵan. Medısınalyq kómekke júginýdiń nemese quqyq qorǵaý organdaryna habarlasýdyń esh qajeti bolmaǵan. Qazirgi ýaqytta ekeýiniń arasynda eshqandaı arazdyq joq", - delingen resmı saýalǵa kelgen jaýapta. 

"QazAgroQarjy" AQ ádep kodeksi boıynsha ekeýine de tártiptik sharalar qoldanylatyn bolypty. 

"QazAgroQarjy" AQ "Aýyl sharýashylyǵynyń keıbir máseleleri týraly" Qazaqstan Respýblıkasy Úkimetiniń 1999 jylǵy 24 qarashadaǵy № 1777 qaýlysyna sáıkes 1999 jyly 28 jeltoqsanda aýyl sharýashylyǵyndaǵy basty máselelerdiń biri - tehnıka parkin jańartý máselesin sheshýde kómek kórsetý maqsatynda qurylǵan. 
Qoǵam "QazAgro" Ulttyq basqarýshy holdıń quramyna enedi.