Kimdi qaıda jibermek?
Barlyq shen qyzmetkerlerin aýystyrǵannan soń AQSH, Túrkıa, Reseı syndy memleketterdegi Qazaqstan Respýblıkasynyń ókili kimniń bolatyndyǵyna basa nazar aýdarý qajet. Bul elder álemdi dúrliktirip otyrǵandyqtan, mundaı qyzmetke úmitkerler muqıat tańdalýy kerek dep habarlaıdy sayasat.kz, málimettiń qazaqsha nusqasyn "Qamshy" portaly oqyrman nazaryna usynady.
Aldyn-ala boljam boıynsha, Vashıngtonǵa Erjan Qazyhanov jiberilýi múmkin. Ol amerıkanyń saıası mádenıetin jaqsy biletindigin óz paıdasyna asyra alady. Sonymen qatar BUU Qazaqstannyń ókili retinde qyzmet atqaryp júrip biraz beldi tulǵalarmen tyǵyz qarym-qatynas ornatyp úlgergen.
Túrkıa eline ókiletti elshi bolýǵa Almaty qalasyndaǵy SİM basqarýshysy Arslan Dandybaevtyń úlken múmkindigi bar. Ol Túrkıadaǵy eks-elshi Janseıit Túımebaevtyń qaramaǵynda jumys istep, Ystambuldaǵy Bas Elshilikti basqarǵan.
Reseıdegi Dıplomatıalyq bólim bastyǵy qyzmetine SHQO ákimi Danıal Ahmetov saılanýy múmkin. Ol reseıdiń saıası zańdylyqtaryn óte jaqsy biledi. Sonymen qatar Eýrazıa Ekonomıkalyq Komısıasynyń jumys jasaý tártibimen jaqsy tanys.
Jańa mınıstr kim bolady?
Densaýlyq saqtaý men áleýmettik damý mınıstrligi jaıly uzaq oılanýǵa týra keldi. Atalmysh máselege baılanysty naqty sheshim tez arada qabyldanyp, elge jarıa bolýy múmkin. Atalǵan Mınıstrlik ekige bólinip, Densaýlyq saqtaý mınıstrligi jáne Áleýmettik qorǵaý men eńbek mınıstrligi bolyp jumysyn jalǵastyrady degen de boljamdar bar. Ekinshi jaǵynan, bul qyzmetke Tamara Dúısenova kelýi múmkin. Densaýlyq saqtaý mınıstri qyzmetine Eljan Bırtanov basty úmitker retinde qaralyp otyr. Al, eger, apparatta kóp bedel jınap, odan da úlken qyzetke úmitker bolǵan jaǵdaıda, bul orynǵa Prezıdent Ákimshiliginde İshki İster saıasatynyń basqarýshysy Aıda Balaeva taǵaıyndalmaq. Ol úlken saıasatqa belsene aralasqan, tájirıbesi mol qaısar áıelderdiń biri.
Baǵlan Maılybaevty qaıda jiberedi?
Marat Tájınniń jańa qyzmetke kelýine basa nazar aýdarǵan jurtshylyq Baǵlan Maılybaev jaıly umytyp ketti. Eger barlyǵy oń sheshimin taýyp jatsa, ony «Nur Otan» partıasynyń ıdeologıa hatshysy qyzmeti kútip tur.
Aýdarǵan: Nazerke Labıhan
