Atyraý oblysy ákiminiń baspasóz qyzmeti bastaýysh jáne joǵarǵy synyp oqýshylaryna habarlaıdy:

Qadirli oqýshy, qurmetti jas óren! Seniń ata-anańa, otbasyńa bar jaǵdaıdy jasaý úshin aǵalaryńnyń kúndiz-túni tynbaı eńbek etip jatqanyn bilesiń. Otbasyńnyń, jaqyndaryńnyń, dostaryńnyń ómiriniń jaıly bolýy úshin kúnde kóptegen mańyzdy sheshimder qabyldanyp jatyr. Sen taza jerde dop teýip, asyq oınasyn, úıińde sý bolsyn, jaryq bolsyn, aýlańda jol bolsyn, ata-anańnyń kóńili kóterińki bolsyn dep oılanady aǵalaryń. Ony teledıdardan kórip, gazet-saıttardan kúndelikti oqyp júrsiń. Elbasymyzdyń qamqorlyǵymen jasalǵan jumys kóp nátıjege jetkizdi.

Qadirli jas, biraq týǵan ólkemizdiń damı túsýi úshin tek aǵalar emes, jastar da jumystanýy kerek emes pe? Sol jastardyń ishinde óziń de barsyń ǵoı. Olaı bolsa, oılanyp kórshi. Dostaryńa, jaqyndaryńa, aýylyńa, kósheńe óziń qandaı jaqsylyq jasaýdy armandaısyń? Olarǵa nendeı nárseler kerek? Olarǵa kómektesý úshin óziń ne istep jatyrsyń jáne ne istegiń keledi? Osylardy jaqsylap oılan.

Sodan soń sol armandaryń men maqsattaryńdy qaǵazǵa túsirip bizge jiber. Biz seniń hatyńdy mindetti túrde oqımyz. Sen sekildi armanshyl, maqsatshyl jastyń bar ekeni bizge úlken úmit, zor qýanysh syılaıdy.

Olaı bolsa, iske sát! Qalam men qaǵaz alyp jazǵan hatyńdy myna meken-jaıǵa jiberersiń: Atyraý qalasy, Áıteke bı kóshesi, 77 úı, Atyraý oblysy ákimi apparatynyń Baspasóz qyzmeti bólimine.