Aqordada Qazaqstan Respýblıkasy Prezıdentiniń sheshimimen qurylǵan Memlekettik bıliktiń tarmaqtary arasynda ókilettikterdi qaıta bólý máseleleri jónindegi jumys tobynyń alǵashqy otyrysy bolyp ótti. Bul týraly Aqordanyń baspasóz qyzmeti habarlady.

Jumys toby músheleri uıymdastyrý máselelerin talqylady. Bılik ókilettikterin qaıta bólý jónindegi usynystardy ázirleý barysynda jınaqtalǵan otandyq jáne sheteldik tájirıbe, qoldanystaǵy zańnamanyń jáne Qazaqstan Respýblıkasy Konstıtýsıasynyń normalaryn qoldaný praktıkasy zerdelenip, taldaý jasalady.

Jumys tobynyń qyzmetine zańger, ǵylymı-saraptamalyq qaýymdastyǵy, sondaı-aq  qalyń jurtshylyq belsene tartylatyn bolady.

Memlekettik bıliktiń tarmaqtary arasynda ókilettikterdi  qaıta bólý máseleleri jónindegi jumys tobynyń músheleri:

1. JAQSYBEKOV Ádilbek Ryskeldiuly – Qazaqstan Respýblıkasy Prezıdenti Ákimshiliginiń Basshysy, Jumys tobynyń jetekshisi
2. ASANOV Jaqyp Qajmanuly – Qazaqstan Respýblıkasynyń Bas Prokýrory
3. BEKETAEV Marat Baqytjanuly – Qazaqstan Respýblıkasynyń Ádilet mınıstri
4. GROMOV Sergeı Nıkolaevıch – Qazaqstan Respýblıkasy Parlamenti Senaty Tóraǵasynyń  orynbasary
5. DONAQOV Talǵat Sovetbekuly –  Qazaqstan Respýblıkasy Prezıdenti Ákimshiligi Basshysynyń orynbasary
6. JALAIRI Ómiráli Shaqarapuly – D.A. Qonaev atyndaǵy Eýrazıalyq zań akademıasynyń rektory
7. ISIMBAEVA Gúlmıra Istaıbekqyzy – Qazaqstan Respýblıkasynyń Parlamenti Májilisi Tóraǵasynyń orynbasary
8. QAÝDYROV Tólesh Erdenuly – Qazaq gýmanıtarlyq zań ýnıversıteti Azamattyq–quqyqtyq zertteýler ǵylymı-zertteý ınstıtýtynyń dırektory
9. MÁMI Qaırat Ábdirazaquly –  Qazaqstan Respýblıkasynyń Joǵarǵy Sotynyń Tóraǵasy
10. MUQASHEV Raqmet Jeldibaıuly – «Qazaqstan zańgerler odaǵy» respýblıkalyq qoǵamdyq birlestiginiń tóraǵasy
11. ROGOV Igor Ivanovıch – Qazaqstan Respýblıkasy Konstıtýsıalyq Keńesiniń Tóraǵasy
12. FEDOTOVA Zınaıda Leontevna – Qazaqstan Respýblıkasy Prezıdentiniń janyndaǵy Memlekettik basqarý akademıasynyń profesory