Ekibastuz qalasynyń turǵyny jáne onyń qyzy esirtki saqtaǵany úshin kináli dep tabyldy, dep habarlady QazAqparat.

Pavlodar oblystyq qylmystyq ister jónindegi arnaıy mamandandyrylǵan aýdanaralyq sotynyń úkimimen 1955 jyly týǵan K.R atty azamatsha men onyń 28 jasar qyzy QR QK-niń 297 baby, 3 bóliminde qarastyrylǵan qylmys boıynsha kináli dep tabyldy. Sot olardy 10 jylǵa bas bostandyǵynan aıyrý jóninde jaza taǵaıyndady. Endi qylmyskerlerdiń múlki tárkilenip, olar jazasyn jalpy tártiptegi kolonıada ótkizetin bolady. Sot ókilderi sottalǵan azamatshanyń nárestesiniń bar ekendigin eskere kelip, 1988 jyly týǵan azamatshaǵa qatysty jazany 5 jylǵa keıinge shegerý jóninde shashim qabyldady.

Pavlodar oblystyq sotynyń baspasóz qyzmetiniń aqparattary boıynsha, ótken jyly Ekibastuz turǵyny jeke turǵyn úıiniń aımaǵynda esirtki saqtap kelgen. Ondaǵy maqsat- bolashaqta sol esirtkini saýdalaý bolǵan. 2016 jyly olardy tártip saqshylary quryqtady. Tekserý barysynda jeke turǵyn úıdiń aımaǵynan iri kólemde gashısh tabylyp, tárkilendi. Úkim zańdy kúshine engen joq.