Bılik halyqtan eshqashan bıik bolǵan emes. Halyq burq etse, qyzmet pen aqshanyń býyna isip-keýip júrgen "bal-qaımaq" toptyń basynan baq taıyp, tý-talaqaıy shyǵary anyq qoı... Bizdegi keýdesine nan pisken keıbir sheneýnikterdiń Prezıdent aldyndaǵy túrlerine qarap, aıap ketedi ekensiń táıiri... Ásirese, keshegideı jınalystarda sondaılardyń syrtynan baqylaǵan qyzyq. Jan-jaǵyna alaq-julaq etip, kózderi úńireıip, júnderi jyǵylyp, qolǵa túsken torǵaıdaı mop-momaqan bola qalǵanyn kórgende, eriksiz jaǵańyzdy ustaısyz. Prezıdent birdeńe suraı qalsa, ne aıtyp turǵanyn ózderi bilmeı, sandyraqtap-shatysyp, shıq-shıq ete túsetinin aıtsańyzshy... Al jıyn bitip, Aqordanyń syrtqy esigin jaýyp, bir adym alǵa basqany sol, álgi terisine deıin jıyrylǵan torǵaıymyz sol mezet torǵaıdan arystanǵa aınalyp, qaharly kózimen syrtqa bir kóz tastap, mıyǵynan myrs kúlip, pańdana mań-mań basyp, bul álemge "syımaı" kóligine enip bara jatady....

Dına Túlekovanyń “Facebook” áleýmettik jelidegi paraqshasynan.