Qytaıdaǵy qandastarymyz arasynan shyqqan qazaqtyń arý qyzy Rıza Álimjannyń esimi kesheli beri Qazaqstandyq aqparat keńistiginde keńinen tarady. Ol 1986 jyly 15 shildede Beıjiń qalasynda dúnıege kelgen. Rızanyń ákesi Buratala qalasynyń týmasy Álimjan Nurǵazyuly men anasy Zaıymhan Beıjiń qalasyndaǵy Ortalyq ulttar baspasynyń qazaq redaksıasynda jumys isteıdi. Rıza orta mektep oqyp júrgen kezinen-aq sánger retinde jurt kózine túse bastaǵan. Rızanyń hobbıi - án aıtý, saıahatqa shyǵý, kitap oqý.
15 jasynan bastap tanymal bola bastaǵan Rıza eń jas sánbıke retinde ataqty sán týraly «Ruili» jýrnalynyń alǵashqy betterine birneshe ret shyqqan. Buǵan deıin ol «Soqyr kıno», «Úlken shaıqas», «Sáttilik kele jatyr», «Jen Hýan Chýan ǵıbadathanasy» sıaqty taǵy da basqa fılmderge túsken. Massaget.kz saıtynyń habarlaýynsha Rıza Qazir «Biz ǵana biletin meken» («Somewhere Only We Know») atty týyndyda basty rólderdiń birin somdaýda.
Sońǵy aptada eki birdeı qazaqtyń qyzy álemdi sulýlyǵyna tamsandyrdy. Qazaqstan qyzdar arasyndaǵy voleıbol quramasynda oınaıtyn jalǵyz qazaq qyzy 17 jastaǵy Sabına Altynbekova men qatar Rızanyń esimi de atalyp, álemge qazaq qyzdary sulý ekenin taǵy da bir pash etti. Arý qyzdarymyzǵa jeńister men bıik belester tilep, qazaqtyń maqtanyshy bolyp júre berse eken deımiz!
“Qamshy” silteıdi
