Nursultan Nazarbaev Qyrǵyz Respýblıkasynyń Prezıdenti Almazbek Atambaevqa kóńil aıtý jedelhatyn joldady Qazaqstan Prezıdenti ushaq apaty saldarynan Bishkek qalasynyń mańynda kóptegen adamnyń qaza bolǵany týraly qaıǵyly habardy zor kúızelispen qabyldady. Memleket basshysy Qazaqstan halqynyń jáne jeke óziniń atynan qaza bolǵandardyń týystary men jaqyndaryna, sondaı-aq barsha qyrǵyz halqyna kóńil aıtty.
Qyrǵyzstanda oryn alǵan ushaq apaty qurbandary sany 35 adamǵa jetti dep habarlaǵan bolatynbyz. Jańa derekterdiń málimetinshe, qaza tapqandardyń sany 37 adamǵa jetken.
Aıta ketsek, saǵat tańǵy 7.31-de Qyrǵyzstannyń Shý oblysy Sokýlýk aýdany Dacha-Sýý aýylynda, áýejaıǵa jaqyn jerde Gonkongten Túrkıaǵa bet alǵan júk ushaǵy qulady. Avıalaıner «Manas» áýejaıynan maı quıýdy josparlaǵan. Alaıda aýa raıynyń qolaısyzdyǵy saldarynan ol apatqa ushyrady. Al, ushaq apatynan aman qalǵan ushqysh aýrýhanaǵa bara jatqan jolda kóz jumǵan.
