Qazaqstandyq belgili prodúser Qydyráli Bolmanov jelide tarap júrgen karıkatýraǵa qatysty pikir bildirdi, - dep habarlaıdy Tengrinews.kz. Ol bul týraly NTK telearnasyndaǵy "Revú" baǵdarlamasyna bergen suhbatynda aıtty. 

Ánshi beınelendi delingen karıkatýra qazirgi ýaqytta Qaznette keń talqylanyp jatyr. Sýretti belgili jýrnalıs Serik Abas-shah ta jarıalady. Jazbasynda ol "Qydyrmen" degen sýpermendi toqal alýǵa jáne mindetti ýaqytsha tirkeýdi toqtatýǵa shaqyrady. Bul jazbaǵa myńnan asa laık basylyp, kóptegen pikir jazylǵan bolatyn.

 Al Bolmanovtyń ózi karıkatýrany taratýshylardy synap tastady.

"Men eshkimge naqty eshteńe aıtqan joqpyn, kelip, naqty surasa, jarty saǵattyń ishinde túsindirip berer edim. Kelgen adam óz pikirin mindetti túrde ózgerter edi. Tereńirek oılap kórsek, bul blogerler men synshylar oı órisi tar adamdar", - dedi belgili ánshi ári prodúser.

Al karıkatýranyń avtory Murat Dilmanov "halyq qamyn oılaıtyn adamdy" salǵanyn aıtyp otyr.

"Belgili bir kózqaras bolar dep oıladym. (...) Kóńilge tıetindeı eshteńe kórip turǵan joqpyn. Jaǵdaı ázilge qurylǵan. Osy zańǵa qatysty jaǵdaı alańdatady. Sebebi azamattarǵa pikirin esepke almaýǵa bolatyn adamdardaı kóredi. (...) Men túnimen uıyqtamaı, halyqtyń qamyn oılaıtyn adamdy saldym", - deıdi Dilmanov.

Sýretshiniń aıtýynsha, Qydyráli Bolmanov bul karıkatýrany óz paraqshalaryna júktegen adamdardan óshirýdi surap jatyr eken.

"Onyń (Qydyráli Bolmanov - avt.) habarlasyp, bul sýretti taratpaý týraly ótinish aıtyp jatqany jaıly aıtylyp júr. Munyń barlyǵyn qalaı óshirýge bolatynyn bilmeımin. Ekinshiden, eger ol sotqa berse, saraptama júrgizýi kerek, sóıtip, ol bul sýrettiń qaı jeri kóńiline tıgenin dáleldesin. Ol jaqta qorlaıtyn dúnıe joq. Esh jerde munda Qydyráli beınelengen dep aıtpadym. Adamdar solaı dese, men oǵan jaýapty emespin", - dedi Dilmanov.

Eske salaıyq, Qydyráli Bolmanov Qaznet tarapynan birinshi ret synǵa ushyrap otyrǵan joq. Buǵan deıin ol jer máselesine qatysty pikir bildiremin dep, jurttyń talqysyna qalǵan edi. Sol ýaqytta ol "amalsyzdan toqal týraly qaýeset oılap tapqanyn" málimdegen bolatyn.