Qostanaıda «Trýdovye rezervy» sportkesheninde atys boldy, dep habarlaıdy Alau.kz. Oqıǵa 16 qańtar kúni keshkisin bolǵan. Kýágerler habarlaǵandaı, atys eki sportshy jigitterdiń ózara kelispeı qalýynan týyndaǵan.
Kýágerlerdiń aıtýynsha, oq atqan adam eki adamdy jaralaǵan,. Oqtyń biri japa shegýshiniń ıyǵyn jaralasa, biri basyna tıgen.
Buzaqylyq áreketteri úshin Qostanaıdyń 19 jastaǵy turǵynyna baılanysty polısıa tergeý jumystaryn júrgizip jatyr.
«Kúdikti qamaýǵa alyndy. Qarý retinde travmatıkalyq qarýdy paıdalanǵan. Saraptama jumystary júrgizilip jatyr. Oqıǵanyń mán-jaıyn anyqtaý úshin tergeý jumystary júrgizilip jatyr», – dep málimdedi Qostanaı oblysynyń İİD-niń baspasóz qyzmeti.
