Bishkek túbinde júk tasymaldaıtyn ushaq qulaǵan úıdiń turǵyny Qazaqstanda nápaqa taýyp júrgen, - dep habarlaıdy tengrinews.kz Sputnik Qyrǵyzstan saıtyna silteme jasap.

Apat kezinde 28 jastaǵy Nýrbır Soltokenov Qazaqstanda bolypty. Ol óz úıiniń mańyna ushaqtyń qulaǵanyn telefon arqyly habarlady. "Men Qazaqstanda jumys istep júrmin. Maǵan aýyldaǵylar habarlasyp, dereý qaıtýym kerek ekenin aıtty. Ne bolǵanyn bilmedim. Úıdiń mańyna ushaq qulady dep aıtty. Oqıǵa ornyn óz kózimmen kórdim". - dep habarlady Nýrbır kóz jasyn tıa almaı.

Er adamnyń aıtýynsha, onyń ákesi 56 jasta bolǵan, onyń áıeli 46-da, al qyzy 7 jasta bolypty. Olardyń úıinde kórshi úıdiń balalary júrgen eken. Bireýi jetinshi, ekinshisi nólinshi synypta oqıdy. "Ushaq olardyń ústinen túsipti, dymy qalmaǵan", - dedi Nýrbırdiń ápkesi Largıza.

Aıta keteıik, osyǵan deıin oqıǵa aldynda mektepke ketip, túske taman qaıtyp kelgende úıiniń joq ekenin ańǵarǵan mektep oqýshysy jaıynda habar taraǵan bolatyn. Qyrǵyzstannyń birinshi vıse-premeri Mýhammetkalyı Abýlgazıev mundaı jaǵdaıdyń bolǵanyn rastapty. Aıtýynsha, úshinshi synyp oqýshysy tańerteń mektepke ketip qalǵan, al apattan onyń áke-sheshesi qaza tapqan.

Taǵy bir bala, premerdiń aıtýynsha, apat aldynda ájethanaǵa shyǵyp ketkendikten aman qalypty. "Bala tiri qaldy, al otbasy túgeldeı qyrylyp qaldy", - dep habarlady Abýlgazıev.

Eske salaıyq, oqıǵa "Manas" áýejaıynda 16 qańtarda jergilikti ýaqyt boıynsha shamamen saǵat 07.30-da bolǵan. Apatqa ushyraǵan júk ushaǵynyń Turkish Airlines áýe kompanıasynyń ıeliginde ekeni anyqtalyp otyr. Al keıinirek Bishkek túbinde qulaǵan ushaqtan 32 máıit tekserildi, onyń 13-i balalar.