«Ýaqytsha tirkeý» máselesi shyqqaly beri Qazaqstandaǵy Halyqqa qyzmet kórsetý ortalyqtarynda jappaı qarbalastyq bastalǵany belgili. Tipti Halyqqa qyzmet kórsetý ortalyqtarynda kisi ólimi de tirkeldi.

Endi tirkelý úshin HQKO-da kezekke turýdyń azaby aıaqtalady. Sebebi azamattar ýaqytsha tirkeýge elektrondyq úkimet arqyly tura alady. Bundaı qýanyshty jańalyqty Aqparat jáne Komýnıkasıalar mınıstri Dáýren Abaev málim etti.

«Dostar, mınıstrlik aıtqan merzimnen eki apta buryn «elektrondyq úkimet» veb-portalynda azamattardy ýaqytsha tirkeý qyzmeti pılottyq rejımde iske qosyldy.
Ázirshe testilik jumystar júrip jatqandyqtan, tirkeý qyzmetinde keıbir kidirister bolýy múmkin. Bul máselege túsinistikpen qaraýǵa shaqyramyz.
Osy aptanyń sońyna deıin atalǵan qyzmetke monıtorıń júrgizilip, qajet bolǵan jaǵdaıda jetildirý jumystary júrgiziledi.
Tirkeý jónindegi nusqaýlyqty tómendegi siltemeden kórýge bolady:
http://egov.kz/cms/ru/information/help/instrukcii», -dep jazdy mınıstr áleýmettik jelide.