Ózbekstan musylmandary 2017 jyldan bastap umra men qajylyqqa ekinshi ret bara almaıtyn boldy dep habarlaıdy golosislama.com, málimettiń qazaqsha nusqasyn «Qamshy» portaly oqyrman nazaryna usynady.
Mundaı sheshimdi ótken jyldyń 15 jeltoqsanynda umra men qajylyqqa barýdy josparlaıtyn Qoǵamdyq keńes músheleri qabyldaǵan. Tártipke saı, musylmandar bir jyl buryn nemese on jyl buryn qajylyqqa barǵan bolsa da, ekinshi ret Mekkege attanýǵa tyıym salynady.
Ózbekstanda qajylyqqa barǵysy keletin adamdar saparǵa attaný úshin birneshe jyldar boıy óz kezeginiń kelgenin kútýi tıis. Qabyldanǵan sheshimge baılanysty, 2017 jyly kezegi kelgen adamdardyń arasynda buryn-sońdy qajylyqqa baryp kelgender bolsa, olar tizimnen alynyp tastalady. Degenmen barlyǵy bir Allanyń qolynda.
Din máselesine qatysty Komıtet múshesi Saıdakmalhon Shakırov atalmysh sheshimge qatysty mynadaı túsinik berdi: «Olardyń ornyna múldem qajylyqqa barmaǵan adamdar barady.»
Sonymen qatar bul sheshimniń qajylyqqa barýdy uıymdastyryp, sondaǵy tártipke jaýap beretin sheneýnikterge jáne Mekkege dáriger, aspaz retinde baratyn jumysshylarǵa qatysy joq ekendigin aıtyp ótti.
Aýdarǵan: Nazerke Labıhan
