«Oqýshy» teleshoýynyń burynǵy qatysýshysy Sammer Zervos AQSH prezıdenti Donald Trampty qaralaıtyn aqparat taratqany úshin sotqa berdi dep habarlaıdy bbc.com.

Sammer Zervos 2007 jyly Tramp qyzdy Los-Andjelestegi Beverly Hills qonaq úıine jumysqa alýdyń aldynda suhbattasý úshin shaqyrǵanyn aıtady.  Alaıda kezdesýde Tramp ony súıip, qushaqtaı bastady deıdi qyz.

Tramp barlyq aıyptaýlardy joqqa shyǵaryp otyr.

Zervos bul aqparatty arnaıy pres-konferensıada aıtty. Ol Donald Trampty «ótirikshti jáne áıelderdi jekkóretin adam» dep atady. Onyń sózinshe Tramp ony qorlady.

Zervostyń oıynsha, Donald Tramp qyzdyń aıyptaýlaryn joqqa shyǵarý arqyly ol týraly jalǵan aqparat taratyp, jynystyq bopsalaý áreketteri týraly aryzyn jalǵan dep kiná taǵyp otyr.

Buǵan deıin ol Tramptyń óz sózinen bas tartýyn surady. Eger Tramp óz kinásin moıyndasa ol aıyptardan bas  tartatynyn aıtqan. Alaıda AQSH-tyń saılanǵan prezıdenti óz kinásin moıyndamady.

Kúz aılarynda Donald Tramp prezıdenttik saılaýǵa túskende birden birneshe áıel ony jynystyq bopsalady dep aıyptaǵan. Kóbi olarǵa qoǵamdyq orynda tıiskenin aıtqan.

Donald Tramp áıelderdiń aıyptaýlaryn jala dep aıtyp, olardy sotqa berýge ýáde bergen. Alaıda áli kúnge deıin sotqa júginbedi.