Qazaqstandyq ánshi ári prodúser Qydyráli Bolmanov sýretshi Murat Dilmanovty karıkatýra salǵany úshin sotqa beretinin málimdedi. Ártis sýretshi qoǵam aldynda keshirim suraýyn talap etip otyr. Bul týraly Tengrinews.kz tilshisine onyń zańgeri Amanbol Ábeýov habarlady.

Murat Dilmanovtyń sýretinde er adam tósekte otyr, al áıel jalańash jatyr. Biraq sýrette Qydyráli Bolmanov beınelengen dep esh jerde aıtylmaǵan. Desek te, advokat Ábeýov sot arqyly aqsha óndirýge nıetti.

"Bul karıkatýranyń avtoryn jaýapkershilikke tartýǵa jetkilikti negiz bar jáne sýrette aıtylǵan oı qorlaý máninde. Qydyráliniń beınelengeni mamandarsyz-aq túsinikti. Biraq men materıaldy sarapshylarǵa jiberdim, olar osy karıkatýrany zertteıdi (...) Qydyráli tósekte jatqan áıeldiń aldynda otyr. Bul ol áıeldiń Qaraqat ekenin boljaımyz, munda qorlaý sıpatyndaǵy belgiler bar. Osy jaǵdaıda olardyń balalaryna moraldyq aýyrtpalyqtar túsýi múmkin - olardyń anasy jalańash kórsetilgen. Al eger ol Qaraqat bolmasa, basqa áıel bolsa, mundaı jaǵdaıda da jaýapqa tartýǵa bolatyn belgiler bar - bul degenińiz sýretshi Qydyrálini ashynasymen jatty dep kórsetken. Bul jeke ómirge qol suǵýshylyq. Biz sýretshiden osy sýretti jarıalaǵan alańda muny joqqa shyǵarýdy jáne keshirim suraýyn talap etemiz. Sonymen qatar, osy sýretti Jelide jarıalaǵandarǵa sotqa deıingi shaǵym túsirdim, kóbisi óshirip jatyr", - dedi zańger.