Qaraǵandy oblystyq sotynyń apelásıalyq alqasy Serik Ahmetovtiń isi boıynsha shyǵyndy óteý sheshimin joıdy.
Serik Ahmetov jáne atyshýly jemqorlyq isi boıynsha basqa da fıgýranttar memleketke 151 mıllıon teńge materıaldyq shyǵyn óteýi kerek bolatyn. Sot sheshimimen is alǵashqy ınstansıada qaıta qaralady.
Apelásıa kezinde burynǵy premer-mınıstrdiń shaǵymymen qatar, Qaraǵandy oblysynyń burynǵy ákimi Baýyrjan Ábdishev, Qaraǵandy ákiminiń orynbasary Muhtar Adambekov jáne TKSH bóliminiń basshysy Aıdos Jákenovtyń shaǵymdary da qaraldy.
"Apelásıalyq alqa atalǵan isti qarady. Búgin Qazybek bı aýdanynyń №2 sotynyń sheshimi joıyldy. İs qaıta qaralady", - dep habarlady oblystyq sottyń baspasóz qyzmetiniń ókilderi.
