Taıvandyq Lın Ksaofen 9 jyl buryn aýrýhanaǵa kóp mólsherde qan ketip, aýyr jaǵdaımen túsken bolatyn. Eger de oǵan der kezinde qan donory tabylmaǵanda tiri qalýy ekitalaı edi deıdi Life.ru. Lın ýaqyt óte kele mindetti túrde ómirimdi qutqaryp qalǵan anonımdi donordyń kim ekenin anyqtaımyn dep sheshim qabyldaıdy.

Sol kezde óziniń kezdesip júrgen jigiti Lıan Zıcheng óziniń de turaqty túrde qan tapsyratyndyǵyn, sol sebepti izdegen donory bolýy múmkin ekendigin ázildep aıtypty.

Qyz donor jaıly aqparatty alý úshin qan quıý ortalyǵyniń kómegine júginedi. «Ol jaqtaǵylar men izdegen donordyń aty-jóni Lıan Zıcheng degende qatty tań qaldym» deıdi Lın.

Málimetterdi teksere otyra, kezinde ómirin qutqaryp qalǵan adam shyn mánisinde óziniń qasynda júrgen jigiti ekendigine kóz jetkizedi. Lıan Zıcheng jergilikti kanalǵa suhbat bergende «Lınmen aramyzdaǵy túsiniksiz jipsiz bir baılanys baryn sezip júretinmin. Árkim óziniń bolashaq jaryn bir ret bolsyn ajaldan qutqarýy tıis» dep ázildepti.