Qazaqstanda 2017 jyldyń 1 qańtarynda  «Ekstremızm men terorızmge  qarsy QR keıbir zańyna tolyqtyrýlar men ózgertýler engizildi» dep habarlaıdy zakon.kz.

Onyń ishinde ǵalamtordy buǵattaý týraly zań da bar. Sebebi ǵalamtordaǵy pikirler aýyr jáne asa aýyr qylmysqa alyp kelýi múmkin. Qylmystyq toptyń daıyndaǵan jáne iske asyryp jatqan  qylmysy jaǵdaıynda QR Ulttyq qaýipsizdik komıtetiniń tóraǵasy, onyń orynbasarlary jáne UQK aımaqtyq organdar basshylary nemese olardyń orynbasarlary áleýmettik jeli, baılanys quraldary, baılanys ornatý qyzmetin, ǵalamtorǵa qoljetimdilikti toqtatýǵa nemese jedel-izdestirý jumystary úshin olar týraly aqparatty ilýge baılanys jáne QR Bas prokýratýrasyna habar berý arqyly 24 saǵattyń ishinde júzege asyra alady.

Zańger Djohar Ýtebekov óziniń Facebook paraqshasynda buǵattaý úshin kórsetilgen sebepter naqtylanbaǵanyn jazǵan.

«UQK qyzmetkerleri baılanys telefonyn, messendjerleri (ýatsap jáne t.b), saıttardy, jalpy barlyq ǵalamtor men baılanysty buǵattaı alady. Buny UQK polısıa, Ulttyq búro, «Syrbara», MKQ nemese áskerı barlaýdyń ótinishimen de jasaı alady» dep jazdy zańger.

Memlekettik prokýratýrada áleýmettik jelini sot sheshiminsiz óshirý quqyǵy 2014 jyldyń kókteminde paıda bolǵanyn aıtady.  

«Eń qyzyǵy, prokýrorlarmen salystyrǵanda UQK ókilderi baılanys qyzmetkerleriniń kómeginsiz áleýmettik jelini buǵattaı alady. Jańa zań boıynsha arnaıy qyzmette ózbetinshe óshire alatyn tehnıkalyq  múmkindik bar» dep tolyqtyrdy Djohar Ýtebekov.