Redaksıamyzǵa tómendegideı kisi shoshyrlyq maǵlumat kelip tústi.
Sol málimetke sensek, 1998 jyldyń 12 tamyzynda Golovatúk Vladımır Mıhaılovıch esimdi azamat Reseı Federasıasynyń «Azamattyq týraly» zańynyń 3 babynyń negizinde Astanadaǵy Reseı elshiliginiń konsýldyǵynda Reseı azamattyǵyn alady. Tıisinshe pasport rásimdemegen, tek ózge eldiń azamattyǵyn alǵan, sóıte tura Qazaqstan azamattyǵynan bas tartpaǵan,
Bizdiń elde mundaı jaıttar bar ekeni jasyryn emes. Kóbine Reseımen shekaralas aımaqtardyń qarapaıym turǵyndary ekijaqty azamattyq alady da ony jasyryp júredi.
Biraq Golovatúk Vladımır Mıhaılovıch qatardaǵy qarapaıym adam emes. Ol – Shyǵys Qazaqstan oblystyq máslıhatynyń hatshysy! Iaǵnı, shekaralyq aımaqtyń ókildik bıliginiń jetekshisi! Oblystyń basty tulǵalarynyń biri! Máselen, Qytaıdaǵy İle-Qazaq avtonomıasynyń basshysy nemese Reseıdegi Orynbor oblystyq dýmasy jetekshisiniń Qazaqstan azamattyǵy bolýy múmkin be? Joq! Al bizdiń elde bári múmkin!
Bizdiń qolymyzda Reseı Federasıasy Federaldyq mıgrasıalyq qyzetiniń elekrondy bazasynan kóshirilgen tárizdi qujat ta bar. Onda V. M. Golovatúktyń 1998 jyldan bastap kórshi elge jylyna birneshe ret baratyny kórsetilgen. Dál osy qaǵazda 1998 jyldyń 12 tamyzynda V.M.Golovatúkke Reseı azamattyǵyn berý týraly sheshim qabyldanǵany jazylǵan.
SHQO oblystyq máslıhaty hatshysynyń Reseı azamaty retindegi jeke is-qujatynyń nómiri de anyqtalǵan – 170309960.
Qazaqstan men Reseı – kórshiler, dostas memleketter, biraq bildeı bir óńirdiń jaýapty qyzmetiniń tizginin ózge el azamatynyń ustap otyrǵany memlekettik qaýipsizdik qaǵıdalaryna qaıshy. Máselen, el Prezıdenti Óskemenge jumys saparymen bardy delik, onyń jol júrý baǵyttarynan kórshi eldiń túrli qyzmetteri málimet alyp otyrmaıtynyna kim kepildik bere alady?
Oblys ortalyǵynyń áskerı bólimshelerinen bastap strategıalyq komýnıkasıalar júıelerine deıin túrli mekemelerdiń ishki aqparattary memlekettik qupıaǵa jatady. Ózge el azamatynyń olardy ońaı bilip otyrýǵa múmkindigi bar. Bul ulttyq qaýipsizdikke tóngen qaýip bolmaǵanda ne?
Árıne, Golovatúktiń Reseı azamattyǵy jóninde sol eldiń tıisti mekemelerine suraý salyp kórýge bolady. Biraq, olardyń rastaı qoıýy kúmándi. Búkil álemde arnaıy qyzmetter óz adamdaryn satpaıdy. Biraq bizdiń arnaıy qyzmetter de osal emes, qajet bolǵanda ne nárseni de anyqtaýǵa qabiletti.
"Qamshy" portaly tilshisi poshtadaǵy materıaldy tekserý barysynda Golovatúk Vladımırdiń Georgıı lentasyn taǵyp túsken sýretin keziktirdi. Eske salsaq, Qazaqstanda sheneýnikter atalǵan lentany taqpaıdy. Bul lenta qoǵamda reseılik serparatızm sımvoly retinde tanylǵan.
