Almatyda jansyz denesi tabylǵan 11 jastaǵy balany óltirdi degen kúdikpen ógeı sheshesi ustaldy. Bul týraly Tengrinews.kz habarlaıdy.
"2005 jylǵy Azamatuly Ońǵardy urlaý jáne óltirýdi uıymdastyrdy degen kúdikpen onyń ógeı sheshesi - 1980 jylǵy azamatsha A. ustaldy", - delingen İİD habarlamasynda.
Polıseılerdiń aıtýynsha, Azamatuly Órkenniń denesi ótken túnde Naýryzbaı aýdanyndaǵy saıajaılardyń biriniń jertólesinen tabylǵan. Bul úıdi onyń ógeı sheshesi jalǵa alǵan. Aldyn ala málimet boıynsha, balany qylǵyndyryp óltirgen, sondaı-aq, oǵan kóptegen dene jaraqatyn salǵan. Asa aýyr qylmystyń izin jasyrý úshin kúdiktiler onyń denesi jalǵa alǵan úıdiń jertólesinde kómip tastaǵan.
"Jedel-izdestirý sharalarynyń barysynda ógeı sheshesimen birge tórt adam ustaldy. Olar balany urlap, óltirgen degen kúdikpen ustalǵan. Olar Almatydan shyǵyp ketpek bolǵan, biraq muny júzege asyra almady. Almaly aýdandyq İİB qyzmetkerleri balanyń ólim sebebin anyqtaý maqsatynda sot-medısınalyq saraptama taǵaıyndady. Ustalǵandar qamaýǵa alyndy. Tergeý jalǵasyp jatyr", - dep habarlady polıseıler.
Eske salaıyq, 11 jastaǵy Órken Azamatuly búgin óli tabylǵanedi. "Polıseıler búgin túste habarlasyp, Órkenniń denesin tapqanyn aıtty. Balanyń neden ólgenin olar áli aıtpady. Ony taný bardyq, bul bizdiń Órken", - dep málimdedi oqýshynyń aǵasy Nurbek.
Azamatuly Órken túste sabaqtan qaıtyp kele jatqan ýaqytta joǵalyp ketken. Sońǵy ret ony synyptastary kórgen eken. Olardyń aıtýynsha, Órken saǵat 13.30 ben 14.00 aralyǵynda sabaqtan shyǵyp, Shevchenko men Rozybakıev kósheleriniń qıylysyndaǵy aıaldamada turǵan. Keıinnen ol № 135 avtobýsqa minip, úı jaǵyna qaraı ketken. Sodan keıin ony eshkim kórmegen.
