Aıtysta aqpa, jazbada shaqpa bolǵan belgili aqyn, aıtysker Esenqul Jaqypbekovtiń qurmetine arnaıy baıqaý jarıalandy. Dodaǵa 15-35 jas aralyǵyndaǵy úmitkerler qatysa alady.

Jarys sharttaryna sáıkes, qatysýshy Esenqul Jaqypbekovtiń sózine jazylǵan bir ándi jáne óz qalaýy boıynsha taǵy bir án oryndaýy kerek. Bas júlde – 500 myń, İ oryn – 300 myń, İİ oryn – 150 myń, İİİ oryn – 100 myń teńge. Sondaı-aq, Esenqul Jaqypbekovtiń sózine jazylǵan «Jańa án» nomınasıasyna arnaıy júlde 100 myń teńge tigilgen.

Baıqaýǵa qatysýshylar 20 aqpanǵa deıin ótinishterin qaldyrýy tıis. Doda 23 aqpan kúni ótedi. Al kelesi kúni jeńimpazdardy marapattaý rásimi, sonymen qatar gala-konsert uıymdastyrylady. Qarasaı aýdandyq mádenıet úıiniń ádiskeri Gaýhar Kókebaevanyń málimetinshe, jarysqa Qarasaı aýdanynyń ákimdigi uıytqy bolýda. Doda tuńǵysh ret respýblıkalyq deńgeıde uıymdastyrylyp otyr.