Búginde mıllıardtaǵan qytaılardy tańǵaldyrǵan erekshe daýys ıesi Dımash Qudaıbergenovty álemniń ár qıyranan sheteldik baspasózder jarysa jazyp jatyr. Dımashqa «Qazaqstandyq Vıtas» dep baǵa bergen qytaılar, tipti, qazaq tilin úırenýge nıet bildirip otyr. Keıbir basylym ony «Dımash – Táńir ózi nazaryna alǵan jas ánshi» dep tamsanǵan.
Qazaqstannyń týyn bıikke kótergen azamatymyz birneshe aqynnyń jyryna arqaý bolyp jatyr.  Solardyń biri belgili aqyn Amanjol Áltaı Dımashqa aqjoltaı óleńin arnady.

Qazaqtyń ór namysyn baıraq etip,
Tamyljyt. Jeztańdaıym saıra jetik.
Eki mıllıard qytaıdyń esin alsyn,
Daýysyń qara jerden aıǵa jetip.

Qalyqta suńqar inim, babyńdasyń,
Júldeni julyp alar shaǵyńdasyń.
Alashym tumar taǵyp qosqan tulpar,
Qurlyqty shańǵa kómip aryndasyn.

Tekti urpaq dana saq pen ǵunnan qalǵan,
Qorǵandy ánmen ashtyń qumnan salǵan.
Qudiretti únińnen aıbattansyn,
Shúrshitten úreılenip turǵan jalǵan.

Ózińe senim arttyq kókem búgin,
Kók týdy kókke bıik kóter búgin.
Dálelde ónerińmen, baıtaq jerdiń,
Iesi qaısar qazaq ekendigin!