2016 jyly Qytaıda 17,86 mıllıon sábı dúnıege kelgen dep habarlaıdy bbc.com. Bul týraly Memlekettik komıtettiń densaýlyq pen balalar týý jospary isteri boıynsha tóraǵasy Ian Venchjýan habarlady. Bul 2000 jyldan keıingi eń joǵarǵy nátıje.

Balaly bolý jasyndaǵy áıelderdiń sany 5 mıllonǵa tómendese de osyndaı nátıjege jetip otyr.

2011-2015 jyldary ortasha týý deńgeıi 1,4 mıllıon adamǵa az boldy. Qytaı bıligi «bir otbasy – bir bala» saıasatyn joıý arqyly «ýaqytyly jáne óte utymdy» saıasat ekenin erekshe atap ótti. Esterińizge sala keteıik, Qytaıda otbasylarǵa eki baladan tárbıeleýge ruqsat berdi.

Qytaı óziniń demografıalyq saıasatyna ózgertýlerdi 2015 jyldyń qazan aıynda engizdi.

«Bir otbasy – bir bala» saıasaty 1979 jyly halyqtyń ósimin shekteý úshin engizilgen. Eki bala týǵandarǵa aıyppuldar men basqa da jazalaýlar qarastyrylǵan edi. Nátıjesinde jumys isteıtin qytaılyqtardyń sany qysqara bastady. Qazir bılik joǵary jyldamdyqpen qartaıyp kele jatqan halyqty asyraı almaımyz ba dep qorqady.