Qazaqstanda Aqparat jáne Komýnıkasıalar mınıstrligi qurylǵannan keıin mınıstr bolyp kelgen Dáýren Abaev elimizdegi iri BAQ basshylaryn aýystyrǵan bolatyn.
Oıshybaev Kemelbek Baqtyǵululy 2016 jyldyń 1 qazanynan bastap «Qazaqstan» Respýblıkalyq Teleradıokorporasıasy» Aksıonerlik Qoǵamynyń Basqarma Tóraǵasy qyzmetine taǵaıyndalǵan. Ol búgin atalǵan qyzmetten ketetinin málimdedi.
"Qurmetti dostar!
"Qazaqstan" RTRK" AQ Basqarma tóraǵasy qyzmetinen ketýdi uıǵardym. Oqý týraly iske asyrylmaı qalǵan oılarym bar edi, solardy jalǵastyrsam deımin. Az ýaqyt ishinde kóp sharýa bastadyq. Meniń ketkenime qaramastan, jalǵasy bolady dep úmittenemin. Eń bastysy - jaqsy adamdarmen tanystym, kásibı mamandar, keremet orta. Korporasıanyń bolashaǵy zor!
Ózim úshin qazaq televızıasynyń qara shańyraǵynda qyzmet etý úlken tájirıbe boldy. Áriptesterime de, barlyq janashyrlaryma da kóp rahmet!", - dep jazdy jaqynda ǵana korporasıa basshylyǵyna taǵaıyndalǵan Kemelbek Baqtyǵululy.
