Osyǵan deıin «Qamshy» portalynda «Jumysqa turamyn dep basynan sumdyq jaǵdaılardy ótkizgen azamat kómek suraıdy» degen maqala ataýymen Ermurat degen azamattyń alǵashqy haty jarıalanǵan bolatyn. Ókinishke qaraı, sodan beri azamattyń jaǵdaıy ózgermepti. Áli de úmitin úzbegen Qaraǵandylyq turǵyn redaksıaǵa ekinshi hatyn joldady. «Qamshy» portaly erkin oı-pikir alańy ǵana emes qazaqtyń joǵyn joqtaýshy birden-bir basylym. Atpaldaı azamattyń kómek surap, egilip jylaǵany janymyzǵa batty. Sol sebepti tyǵyryqqa tirelgen jannyń ekinshi hatyn da oqyrman nazaryna usynýdy jón sanady. Ermurattyń jerlesteriniń arasynan qaıyrymdy bir jan tabylady degen úmit bizde de joq emes. Eskere keter bir jaıt, avtordyń jazý ádebi men orfografıasy saqtalyndy.

«Sálemátsizder me, redaksıa! Men Janábilov Ermurat Amankeldiuly sizderden taǵy kómek suraımyn. Meniń úmitim úzildi. Barlyq orynǵa shaǵymdandym. Meniń kózim jetti esh ádildikke qol jetkize almasyma. Amalym joq. Senimdilik joq endi. Endi alǵa da artqa da sheginer jol joq. Ketken aqsha endi qaıtpaıdy. Ádildik te ornamaıdy. Tynysh zamanda ana alaıaqtar qaryzǵa batyrdy. Nesıem ósip jatyr. Páterden qýylyp jatyrmyn. Endi tek qaıta alǵa dep aıaqtan turýym kerek. Qujattarym kepilde jatyr. Endi qazaqstandyqtardan kómek suraımyn. Qujattarymdy kepilden alsam deımin. Qazirgi jaǵdaıym burynǵy. Ómirime qor bolyp qaldym. Qashan jáne qaıda barsam da qaryz, zoryǵyp kettim. Beıbitshilik zamanda dalada qaldym. Redaksıadan jáne jaqsy adamdardan kómek suraımyn. Yńǵaısyzdanyp ne jazarymdy bilmeı otyrmyn. Ábden tyǵyryqqa tireldim, shyǵar jol joq. Osy qıyndyqtan shyǵýǵa kómek berseńizder eken. Raqmet!»