Aqtóbede sottalǵan 7 sodyrdyń 4-teýi orta mektep oqýshysy dep jazady central.asia-news.com.

Sottalǵan qazaqstandyq Nurhan Seıitqalıdiń ǵalamtorǵa 2014 jyldyń qyrkúıek aıynda júktegen vıdeosynan kishkentaı balanyń pýlemetpen atyp jatqanyn kórýge bolady. Vıdeo Iraktyń DAISH tobynyń jattyqtyrý lagerinde túsirilgen bolýy múmkin.

Qazaqstandyq bılik kúshiniń arqasynda Aqtóbeniń orta mektep oqýshylarynan turatyn qylmystyq top áshkerelendi.

Aqtóbeniń jeti turǵyny terrorlyq top quryp, terorızmdi nasıhattap, dinı alaýyzdyqty qozdyrǵany úshin sottalǵan. Olardyń ishinde kámelet jasqa tolmaǵandar da bar. Olarǵa 6 jyldan 8 jylǵa deıin bas bostandyǵynan aıyrý týraly jaza kesildi.

Úlken maqsattar, biraq qysqa tarıh

Sotta aıyptalýshy sodyrlar teraktini uıymdastyrý josparyn qurý úshin mektep aýlasy men páterde kezdeskeni aıtyldy. Olardyń qolynda ańshylyqqa arnalǵan eki qarý bolǵan. Ol arqyly polısıa bólimshesine, túngi klýbtarǵa jáne saýda ortalyǵyna shabýyl jasaýdy oılastyrǵan.

Top 19 tamyzdan bastap kezdese bastady. Saǵynysh Qudaıbergenov toptyń «ámiri», al Elaman Baltabaev «qazynashy» bolyp saılanǵan. Sotta Qudaıbergenovtyń shetelde de terakti uıymdastyrýdy josparlaǵany aıtyldy.

Ábilhaıyr Jalǵas pen Nurjan Sábıtov esimdi sottalǵandar topqa múshelikke kirip, terakti jasaýǵa qatysýǵa kelisimin bergen.

Alaıda toptyń ǵumyry uzaqqa barmady. Polıseıler 28-30 tamyz aralyǵynda  jeti sodyrdy ustady. Toptyń segizinshi múshesi týraly sotta eshteńe aıtylmady.

Ǵalamtordaǵy qylmys

Toptyń qalaı qurylǵanyn zertteý barysynda, polıseıler ǵalamtor arqyly radıkaldy úgit nasıhat júrgizilgenin anyqtady.

Qýanysh Esenǵulov atty sottalǵan sodyrdyń biri terorıstik habarlamalardy taratý úshin óz telefonyndaǵy «VKontakte» jelisin paıdalanǵan. Laqap atpen paraqsha ashyp, adamdardy jıhadqa shaqyrǵan.

Sodyrlardyń áleýmettik jelidegi paraqshalary otbasy nemese quqyqqorǵaý organdarynyń tarapynan óshirilip tastaldy.

Paraqshada jarıalanǵan vıdeolardyń birinde balalardyń nysanǵa atyp jatqany kórsetiledi. Ol Irak pen Levantanyń DAISH lagerinde túsirilgen degen boljam bar. Ondaǵy sodyrlar betin búrkemesten júzin ashyq kórsetip otyr.

«Eger adam esh jasyrynbastan vıdeoǵa tússe, ıaǵnı ol arnaıy qyzmetke ol úshin joǵaltatyn eshteńe joq ekenin ashyq kórsetip turǵany» dedi  konfesıaaralyq qarym-qatynastardy taldaý jáne damytý ortalyǵynyń dırektory  Gúlnár Razdyqova.

Jastardy radıkaldy toptan qorǵaý

 Qazaqstan bıligi qaýipti álsiretý úshin júıeli  kúsh jumsap jatyr.

Mundaı organdardyń biri  konfesıaaralyq qarym-qatynastardy taldaý jáne damytý ortalyǵy  bolyp tabylady.

Qazirgi tańda BAQ jáne ǵalamtor arqyly jastarmen túsindirý jumystaryn júrgizý, kezdesýler, dóńgelek ústel, konferensıalar uıymdastyrylyp jatyr. Bul týraly  ortalyq basshysy Áziz Jumaǵalıev habarlady.

«Jumystar el boıynsha júrgizilýde. 2016 jyly tek Petropavldyń ózinde atalmysh sharalar 15,5 myń adamdy qamtydy» deıdi Jumaǵalıev.