Qazaqstan prezıdenti keshe, 25 qańtar kúni QR bılik tarmaqtaryn qaıta bólý týrasynda memlekettik telearnalardan halyqqa úndeýin habarlady. Soǵan saı, Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly Joba jarıalandy. Joba bir aı boıy talqylanbaq.
1995 jyly 30 tamyzda respýblıkalyq referendýmda qabyldanǵan Qazaqstan Respýblıkasynyń Konstıtýsıasyna engizilýge tıisti ózgeriske Zańger Maqsat İlıasuly da óz usynysyn jarıalady:
KONSTITÝSIAǴA MYNANDAI ÓZGERİS USYNAMYN
Bılik usynǵan zań jobasy:
26-baptyń 1 jáne 2-tarmaqtary mynadaı redaksıada jazylsyn: «1. Árkim zańdy túrde alǵan qandaı da bolsyn múlkin jeke menshiginde ustaı alady. Jeke menshik quqyǵyna qol suǵylmaıdy. Menshikke, onyń ishinde muragerlik quqyǵyna zańmen kepildik beriledi. Eger Konstıtýsıada ózgeshe kózdelmese, zańdy jolmen alynǵan múlikke menshik quqyǵyn shekteıtin nemese odan aıyratyn zańdardy jáne ózge de quqyqtyq aktilerdi qabyldaýǵa jol berilmeıdi.».
Meniń usynysym: 26-baptyń 3-tarmaǵy mynadaı redaksıada jazylsyn: Aýyl sharýashylyǵy maqsatyndaǵy jer ýchaskeleri sheteldikterge jeke menshikke berilmeıdi, qazaqstandyq azamattardyń aýyl sharýashylyǵy maqsatyndaǵy jer ýchaskelerin shet eldik jeke nemese zańdy tulǵaǵa satýyna jol berilmeıdi.
***
Aıta keter bolsaq, bir jyl buryn jer reformasy týraly zańnan shı shyǵyp, halyq shetelge jerdi jalǵa berý men satýǵa qarsy shyqqan bolatyn. Halyq tolqýynan soń Prezıdent jer reformasy týraly zańǵa bir jyldyq maratorıı jarıalady. Parlament maratorıı kúshin 5 jylǵa uzartqan bolatyn.
