Fılıppın astanasy Manılada "Álem arýy-2016" baıqaýy ótýde. 86 elden kelgen arýlar sahnaǵa shomylýǵa kıetin kıim kıip shyǵyp, arnaıy kóılekterimen júrip ótti, dep habarlaıdy nur.kz portaly.
Qazaqstannyń atynan baıqaýǵa 19 jastaǵy Semeı arýy Darına Qulseıitova attanǵan bolatyn.
Baıqaý fınalyna tek 12 qatysýshy ǵana ótedi. Olardyń on birin ádilqazylar alqasy tańdasa, bireýi kórermenderdiń daýys berýi arqyly tańdalady.
Baıqaý fınaly Manıla Mall of Asia Arena kesheninde 29 qańtarda ótpek.
Darına Qulseıitova "Qazaqstan arýy" baıqaýynyń, World Beauty 2016, Best Foto Model World Russian Beauty 2015 halyqaralyq sulýlyq baıqaýlarynyń fınalısi, «Miss International Vietnam 2014» baıqaýynda (Fashion House International halyqaralyq sulýlyq baıqaýy) jeńimpazdar qatarynan kóringen.
Eske salsaq, Darına baıqaýǵa otandyq dızaıner Naıl Baıkúshikovtiń kóılegin kıip shyqqan. Salmaǵy 20 keli bolatyn baǵaly tastarmen bezendirilgen kóılektiń quny 2 mln teńge dep baǵalanǵan.
