Sara Toqtamysova óziniń áleýmettik jelidegi paraqshasynda qazaq qyzdaryna narazylyǵyn bildirdi. Ony qynjyltatyny – qazaq qyzdarynyń kınoda ártúrli jigittermen aımalasyp júretini. Qazaq aktrısa qyzdarǵa qatysty oıyn Sara Toqtamysova bylaısha jetkizdi:

«Jańa bir klıp kórdim de. Qazaqtyń áp-ádemi qyzy. Qazaqsha saırap tur. Ótkende 2-3 kınodan kózim shalyp qaldy, ár kınoda ártúrli jigitpen qushaqtasyp, qushaqtasqany bylaı tursyn aımalasyp obrazǵa kirip-aq júr endi. Endi ár klıpte ár túrli jigitpen taǵy sol, óshpes sezim, saǵynyp qosylǵan maxabat, nesin aıtasyń, taǵy sol ǵashyq jannyń rólinde oınaımyn dep nebir sıpattaǵy kadrlerdi somdap-aq júr. Erteńgi kúni bul qyz turmys qurady, ana bolady, sonda jubaıymen birge jaıbaraqat mynaý kıno, klıpterin saraptap kóre beredi. Bala-shaǵasyna "mine, men oınaǵan týyndylar", – dep uıalmaı kórsete beredi. Qazaqtyń qansha órimdeı qyzdary týra solaı bolsaq dep aldyna arman, maqsat qoıady, qıaldaıdy "onda turǵan ne bar?"degen sóılemdi kóldeneń qoıyp alady da, ar jaǵyn bilip otyrsyzdar. Mine, mine, sol jaǵy oılandyryp ketedi. ALLA qaı-qaısymyzǵa týra jol kórsetsin deımiz».