Qazaqstan Respýblıkasy Ulttyq mýzeıinde «Uly tulǵa urpaqtary» atty jobanyń tanystyrylymy ótti.

Atalǵan sharaǵa alash qaıratkeri Qoshmuhambet Kemeńgerovtiń, qazaqtyń áıgili aqyny, ánshi, kompozıtor Kenen Ázirbaevtyń, Qazaq KSR-nyń Halyq ártisi  Ǵarıfolla Qurmanǵalıevtiń, Qazaqstannyń eńbek sińirgen ekonomısi Sanjar Jandosovtyń,  Qazaq KSR Memlekettik syılyǵynyń laýreaty, kompozıtor Erkeǵalı Rahmadıevtyń, qoǵam qaıratkeri Ázirbaıjan Mámbetovtiń, kompazıtor Ǵazıza Jubanovanyń urpaqtary qatysty.

Sharada sóz alǵan Ulttyq mýzeı dırektory Darhan Myńbaı: «Biz ótken tarıhtyń qateligin qaıtalamaıyq. İz-tússiz ketken bizdiń qanshama qaıratkerlerimiz bar. Endigi jerde ondaı olqylyqty boldyrmaý maqsatynda biz asyldyń synyǵy dep baǵalap otyrǵan keshegi bizdiń tanymal tulǵalarymyzdyń urpaqtarymen kezdesip otyrmyz. Shyn máninde bul shara úlken mańyzǵa ıe. Biz ulylardyń urpaǵyn izdep jatsaq ol erteńgi kún úshin qundy málimet jınaý maqsatynda dep aıta alamyn», – dedi.

Kelgen qonaqtar joba jumysyna sáttilik tilep, óz oılaryn ortaǵa saldy. Aldaǵy ýaqytta Ulttyq mýzeımen tyǵyz baılanys ornatatyndyqtaryn da aıtty.

«Uly tulǵa urpaqtary» jobasynyń maqsaty – qazaq tarıhynda orny bar tanymal azamattardyń, memleket jáne qoǵam qaıratkerleriniń, tarıhshylardyń, ǵalymdardyń, tanymal ónerpazdar men sport sańlaqtarynyń urpaqtarymen Ulttyq mýzeı arasynda tyǵyz baılanys ornatý. Sonymen qatar, tanymal tulǵalardyń urpaqtary jaıly aqparat jınaý jáne jınalǵan málimetter negizinde derekter qorynjasaý.

Aldaǵy ýaqytta joba Ulttyq mýzeıdiń uıytqy bolýymen jalǵasyp, elimizdiń túpkir-túpkirindegi tanymal tulǵalardyń urpaqtarymen baılanys ornatylady.