Uzynaǵashta Qastandyqpen óltirilgen úsh azamattyń (Jarqynbek Doldanuly, Muhıat Zarlyhanuly, Qadylbek Álemqanuly) biri Qadylbektiń ákesi Álemqan Ajdauly mezgilsiz ómirden ozǵan ulyna arnaǵan júreginen jaryp shyqqan qasiretti óleńin jarıalaýdy jón kórdi. Qaıǵyly áke óleńinde osy istiń basynan bastap aqparattyq qoldaý kórsetken «Qamshy» portalyna, tilshisi Erlan Tóleýbaıǵa da alǵysyn bildirgen. «Qamshy» portaly da aqsaqaldyń qaıǵysyn bólisip, sher-muńyn jeńildetýdi durys dep tapty.
***
Ne qaldy bizderge aýyr kúnder qaldy,
Uıqysyz atyratyn túnder qaldy.
Qosh degen bir aýyz da sóziń qalmaı,
Art jaqta ular shý bop eliń qaldy.
Barkóldiń jadyraǵan jazy qaldy,
Kókoraı qus qunatyn sazy qaldy.
Jylaýmen kúnderimiz ótip jatyr,
Bul ómir kóbi ótip azy qaldy.
Kórmeseń saǵynatyn aýyl qaldy,
Jaýatyn sibirletip jaýyn qaldy.
Aınakól, Tasbastaýdaı sýyń qaıda,
Oınaıtyn asyr salyp jeriń qaldy.
Kóterip qur súlderin ákeń qaldy,
Zar jylap kúndiz-túni shesheń qaldy.
Qazańdy alystaǵy estigende,
Jol tartyp týys-týǵan kóbi bardy.
Bir jurtyń naǵashyńdaı eliń qaldy,
Estigende oıbaıdy bári saldy.
Qaıǵymen kókirekke sher baılanyp,
Kúnderden qýanyshty eles qaldy.
Kóp jylap aǵamenen baýyr qaldy,
Sum ajal kóńilimniń nárin aldy.
Kórmese seni oılap saǵynatyn,
Ápekke, qaryndaspen bári qaldy.
Syılaıtyn aǵasyndaı kelin qaldy,
Kórýshi edi bir maqtanysh bári seni.
Aryt jaqta jylaı-jylaı qaraǵym dep,
Kóretin baýyryndaı jeńgeń qaldy.
Artyńda Perızattaı balań qaldy,
Óshpesteı júregine jara saldy.
Jas bolyp oń men solyn tanı almaı,
Ush jasta Nurgeldideı ulyń qaldy.
Qaıǵymen qam kóńildi jaryń qaldy,
Sum ajal júregińniń gúlin aldy.
Úmitpen byr jaǵynan keler me dep,
Sen jaqqa qaraı-qaraı kózi taldy.
Kóretin uldan artyq atań qaldy,
Alatyn úlkenderden batań qaldy.
Kóre almaı baldyzdaryń bári zar bop
Áıteýir shyqpaǵanda jany qaldy.
Taryqsań bir súıenish eneń edi,
Bel edi, tirisinde medeý edi.
Aqylmen jónge salar bir aýyldy,
Tekti edi, bárin oılar óreli edi.
Kóp basqan aına bulaq yzyń qaldy,
Aralas tatý-tátti kórshiń qaldy.
Bir belgi aýyldasyń eske alatyn,
Tıgizgen kópke kómek isiń qaldy.
Kúıindi janashyr jurt eńiredi,
İzdeýge eriktiler kelip edi,
«Qamshydaıyn» habardan Erlan baýyryń,
Aıanbaı kúndiz-túni ter tógip edi.
Dákendeı art jaǵyńda aǵań qaldy,
Aıtqanda Qadylbek dep jaǵy taldy.
Basyńa eskertkishti ózi qoıyp,
İsterdi aýyr salmaq ústine aldy.
At qoıdy ush arys dep aǵalaryń,
Oılasam laıyqty eken baǵalaryń.
Jerine qazaq eli Qonystanyp,
Osynaý keń ólkeni araladyń.
Kettińder Qastandyqpen shet jerinde,
Bolmasa kóz jumbadyń óz elińde.
Bir ýys topyraq bop qalmadyńdar,
Qutty jer Qutbyı men Barkólińde.
At qaldy ıesi joq aryndaǵan,
Bir kúnde ashty teri alynbaǵan.
Jer qaldy Qyzyl qudyq, irge kúngeı.
Kórgende kózge ystyq saǵymdanǵan.
Halyqtyń qarsylyǵy boldy kúshti,
Áıteýir qylmyskerler qolǵa tústi.
Keshegi jarqyldaǵan azamattar,
Mezgilsiz ajal jetip jolǵa tústi.
Darıǵa-aı ólmegenniń azaby myń,
Neshe myń adam keldi qazaly kún.
Jete almaı jer shalǵaı bop janazańa,
Mollanyń estimedim azaly únin.
Biz turmyz altyn emil kezeńinde,
Qaıǵymen órtenedi ózegimde.
Qıa almaı eriksizden kóp jyladym,
Qosh aıtyp qabyryńnan keterimde.
Muqıat, Jarqynbekteı dosyń qaıda,
Áke ólip bala qalar josyn qaıda.
Sum ajal úsheýińdi birdeı jutyp,
Baıansyz jalǵan dúnıe osyndaı ma? !
Jaqsy eken yntymaǵy ondaǵy eldiń,
Osy ret jaqsylyǵyn kórdim kóptiń.
Jazbadym óner tasyp jetiskennen,
Azyraq kóńilimniń zaryn tóktim...
