Búgin Almatyda XXVIII Búkilálemdik Ýnıversıada bastaldy.
28 qańtar kúni Ulybrıtanıa, Qazaqstan, Kanada, Qytaı, Slovakıa, Latvıa men Japonıanyń hokeıshileri medalǵa talasady.
Erler komandasy Halyq Arenada, al áıelder - Balýan Sholaq atyndaǵy Sport saraıynda baq synaıdy.
Shaıbaly hokeı - erler
12:30 - Slovakıa - Ulybrıtanıa, toptyq kezeń.
16:00 - Japonıa - Latvıa, toptyq kezeń.
19:30 - Qazaqstan - Qytaı, toptyq kezeń.
Shaıbaly hokeı - áıelder
16:30 - Kanada - Qytaı, toptyq kezeń.
20:00 - Qazaqstan - Ulybrıtanıa, toptyq kezeń. Aıta keteıik, «Halyq Arenadaǵy» bılettiń quny 500-700 teńgeni, al Balýan Sholaq atyndaǵy Sport saraıynda bılettiń baǵasy - 300-500 teńgeni quraıdy.
Almatyda ótetin 28-shi Búkilálemdik Ýnıversıadanyń ashylý saltanaty erteń - 29 qańtar kúni ótedi.
Ýnıversıadanyń jalpy jarys kestesi sýrettegideı:
Oqyrmandy ýnıversıada oıyndary týraly aqparattandyratyn bolsaq, Stýdenttik sport tarıhy 1905 jyldan bastalady. Osy jyly AQSH-ta stýdent jastardyń alǵashqy halyqaralyq jarysy ótti. Birinshi Dúnıejúzilik stýdenttik oıyndar 1923 jyly Parıjde uıymdastyryldy. Alaıda, Ýnıversıada degen ataý alǵan alǵashqy sport jarysy 1959 jyly Italıanyń Týrın qalasynda ótti. Sodan bergi kezeńde Ýnıversıada álemdegi eń aıshyqty halyqaralyq buqaralyq sport jáne mádenı oqıǵalardyń birine aınaldy. Ýnıversıadanyń bir maqsaty – sportty bilim berý júıesiniń mańyzdy elementteriniń biri retinde ilgeriletý.
Ýnıversıadany Almatyda ótkizý týraly resmı sheshim 2011 jylǵy 29 qarashada Brússelde Halyqaralyq ýnıversıtettik sport federasıasynda (FISU) ótken daýys berý nátıjesinde qabyldandy. Osylaısha, Almaty burynǵy keńestik keńistik elderiniń ishinde birinshi bolyp, 2017 jyly ótetin XXVIII qysqy Ýnıversıadanyń astanasyna aınaldy. Buǵan deıin 1973 jyly Máskeý jáne 2013 jyly Qazan qalasy jastardyń tek jazǵy sport oıyndaryn qabyldaǵan bolatyn. Ýnıversıada týyn Almaty qalasyna berý saltanatty rásimi 2015 jylǵy 15 aqpanda Ispanıanyń Granada qalasynda ótti.
Almatyda ótetin 2017 jylǵy Dúnıejúzilik qysqy ýnıversıadanyń tumary retinde suńqar tańdaldy. Tumardy usynýshylardyń pikirinshe, suńqar jyldamdyqty, jeńildikti, kúsh-qýat pen jeńiske degen qulshynysty beıneleıdi. Logotıp aıqyn kórinetin dınamıkalyq pishini bar suńqar qanaty túrinde jasalǵan. Osy sımvolǵa oraı, Almatydaǵy Ýnıversıadanyń uranyna «Qanatyńdy keń serpi!» tirkesi tańdaldy.
XXVIII qysqy Dúnıejúzilik ýnıversıada 2017 jyly 28 qańtar men 8 aqpan aralyǵynda ótedi. Aldyn ala málimet boıynsha, oǵan FISU alánsyna kiretin 50 elden bes myńnan astam stýdent qatysady. Shamamen úsh myńǵa jýyq eriktiler qataryn jumyldyrý josparlanǵan.
Megapolısti iri sporttyq sharaǵa daıyndaýdaǵy ınfraqurylymdyq baza qyzmetin 2011 jyly ótken 7-qysqy Azıa oıyndaryna arnap salynǵan nysandar atqaryp otyr. Atap aıtqanda, «Suńqar» halyqaralyq shańǵydan sekirý kesheni, Balýan Sholaq atyndaǵy Sport saraıy jáne Almaty oblysyndaǵy Shańǵy-bıatlon stadıony ýnıversıada jarystaryn qabyldaıdy. Sport jarystary sondaı-aq «Medeý» muz aıdynynda jáne «Shymbulaq» taý-shańǵyly kýrortynda ótedi. Ýnıversıada úshin qosymsha taǵy Muz saraıy, Muz arenasy jáne Atletter qalashyǵy salynady.
Ýnıversıada aıasynda Qazaqstanda sporttyń 13 túrinen (8 mindetti jáne 5 qosymsha) jarystar josparlanǵan. Mánerlep syrǵanaý, short-trek, taý shańǵysy sporty, snoýbordıng, bıatlon, shańǵy jarysy, shaıbaly hokeı, kerlıng mindetti sport túrlerine kiredi. Al qabyldaýshy taraptyń usynysy boıynsha engiziletin qosymsha sport túrlerine shańǵymen tuǵyrdan sekirý, shańǵy qossaıysy, frıstaıl, kónkımen júgirý sporty jáne bendı kiredi.
Qazaqstannyń stýdenttik quramasynyń segiz qysqy Ýnıversıadaǵa qatysqan tájirıbesi bar. Osy ýaqyt aralyǵynda Qazaqstan quramasy qorjynyna 43 nagrada saldy.
